Ադանա

Ադանա, Մեհյան քաղաք Չուքորօվայի (Կիլիկիայի) դաշտավայրում, Մեհյան գետի ափին, Թուրքիայի համանուն վիլայեթի վարչական կենտրոնը: Ունի գյուղատնտեսական մեքենաների, բամբակազտիչ, փայտամշակման, պայթուցիկ նյութերի և այլ գործարաններ: Հելլենիստական մշակույթի կենտրոն էր, պահպանվել են այդ շրջանի հուշարձանների մնացորդներ: Մեհյան գետի վրա կանգուն է Հուստինիանոսի (527-565) ժամանակ կառուցված 22 աչքանի քարաշեն կամուրջը (200մ), որը վերաշինվել է 743-ին և կոչվել <<Զիսր Ալ Վալիդ>>` Օսմանյան խալիֆայի անունով: Երբ խաչակիրներն անցան Կիլիկիայով, Ադանան գտնվում էր Հեթումյան տան հիմնադիր և Լաբրիոնի տեր ասպետ Օշինի իշխանության ներքո: 1097-ի աշնանը Ադանան գրավեցին խաչակիրները: իշխան Լևոն Ա-ն 1130-32-ին հետ նվաճելով Դաշտային Կիլիկիան, Ադանան միացրեց Ռուբինյան նորակազմ իշխանությանը: XII-XIVդդ. մտել է Կիլիկիայի Հայկական թագավորության կազմի մեջ:
XII-XIVդդ կատարվել են շինարարական մեծ աշխատանքներ: Կառուցվել են թագավորական պալատը` Ս. Մինասի տաճարով, Ս. Աստվածածին և Ս. Ստեփանոս եկեղեցիները: Ս. Ստեփանոսի մոտ հայերն ունեցել են Ս. Հակոբ և Ս. Սարգիս եկեղեցիները , որոնք հետագայում կործանվել են : XXդ. սկզբին Ադանան ունեցել է 45000 բն., որից 12600` հայեր: