Գորեմե
Քրիստոնեաներն այս տարածքում անընդհատ թաքնվելով արաբների հարձակումներից, այդ տեղանքին տվեցին ՙԳոր էմի՚ անունը, որը նշանակում է ՙթող ոչ ոք չտեսնի՚ հետագայում մեզ է հասել Գորեմե ձեւով: Զանազան ժայռացցվածքները ժայռափոր եկեղեցիները գրավում են եկվորների ուշադրությունը:
VI – IX դդ. Գորեմեն համարվում էր քրիստոնեական ամենամեծ կենտրոններից մեկը եւ նրա շրջակայքում հաշվվում էր շուրջ 400 եկեղեցի, որոնցից մի քանիսում շատ լավ պահպանված են որմնանկարները, որովհետեւ արեւի լույս չի ընկել:
Այս տարածաշրջանը հայտնի է իր մոտ 400 ստորգետնյա քաղաքներով, որոնք ծառայել են, որպես թաքստոցներ արաբների հարձակումներից պաշտպանվելու համար: Կան քաղաքներ, որոնք մի քանի հարկ են բոլոր հարմարություններով: Մուտքի դռները շատ մեծ սալաքարեր են, որոնք բացվում են միայն ներսից:
Եգիպտական բուրգերի կառուցման վրա աշխատել է 100000 մարդ մոտ 30տարի, իսկ թե ինչքան մարդ է աշխատել եւ քանի տարի է տեւել Դերինկուլու ստորգետնյա քաղաքի շինարարությունը հայտնի չէ: Այս ստորգետնյա քաղաքները համարվում են աշխարհի 8-րդ հրաշալիքները:
Մենք շնորհակալ կլինենք, եթե դուք կիսվեք այս հոդվածով:
Նորությունները Ձեր փոստին:
Անիտուրը հրավիրում է:
