Մեկնում
Առաջիկա տուր

Մցխեթի

Մցխեթան Վրաստանի հնագույն մայրաքաղաքն է: Գտնվում է Կուր և Արագվի գետերի միախառնման վայրում: Այստեղ են գտնվում Վրաստանի հնագույն սրբավայրերից Ջվարիի եկեղեցին և Սվետիցխովելիի մայր տաճարը:
Սվետիցխովելի /վրաց.` սվետի-սյուն, ցխովելի-կենսատու/:
Սվետիցխովելիի մայր տաճարը տեղակայված է Վրաստանի պատմական քաղաք Մցխեթայում` Թբիլիսի մայրաքաղաքից 21 կմ հեռավորության վրա: Որպես Քրիստոսի պատանքի թաղման անկյուն հայտնի Սվետիցխովելին երկար ժամանակ եղել է հիմնական վրացական եկեղեցի և մնացել է Վրաստանի փառաբանության վայրերից մեկը մինչև օրս: Այս եկեղեցին հիմա գործում է իբրև համայն վրաց կաթողիկոս-պատրիարքի նստավայր:
Գործող տաճարը կառուցել է վրաց ճարտարապետ Արսուկիձեն` XI դարում: Համաձայն ավանդույթի` եկեղեցին կառուցելուց հետո հրամայվել է կտրել նրա ձեռքը, որպեսզի նա այլևս չկարողանա նման հոյակերտ տաճար կառուցել:
Հին եկեղեցին կառուցվել է 4-րդ հարյուրամյակում` Քարթլիի Միրիան թագավորի օրոք: Համաձայն վրացական տարեգրության, Մցխեթայից վրացական արմատներով հրեա Էլիոզը մեր թվարկության 1-ին դարում եղել է Երուսաղեմում, երբ Հիսուսին տանջամահ էին անում: Իլարիոսը Գողգոթայում հռոմեացի զինվորից գնել է Հիսուսի հագուստը և բերել այն Վրաստան: Վերադառնալով իր հարազատ քաղաքը` նա հանդիպել է իր քրոջը` Սիդոնիային, ով, կպչելով այդ հագուստին, հույզերից մահացել է` ցնցված լինելով սուրբ մասունքից: Հագուստը չեն կարողացել պոկել նրանից, և դրա համար նա թաղվել է այդ հագուստով: Տեղն,  ուր Քրիստոսի հագուստով թաղված էր Սիդոնիան` պահպանված է տաճարում: Հետագայում նրա գերեզմանից աճել է մայրիի վիթխարի ծառ: Սուրբ Նինոն ծառից պատրաստել է տվել 7 սյուներ ու այդ սյուներով կառուցել է տվել եկեղեցի: Յոթերորդ սյունն ունեցել է միանգամայն կախարդական ունակություններ և ընձյուղվելիս է եղել դեպի վեր: Հատակին է իջել միայն այն ժամանակ երբ Ս.Նինոն խնդրել է ամբողջ գիշեր: Հետագայում ասվում էր, որ այդ կախարդական յոթերորդ սյունից հոսելիս է եղել մարդկանց բոլոր հիվանդությունները բուժող հեղուկ:
Տաճարը պարսպապատվել  է 1787 թ.` Հերակլ II-ի օրոք:


Մենք շնորհակալ կլինենք, եթե դուք կիսվեք այս հոդվածով:
Կիսվել Թվիթթերում Կիսվել Ֆեյսբուքում Կիսվել Վկոնտակտե
Նորությունները Ձեր փոստին:
Անիտուրը հրավիրում է:
Միացեք մեզ Թվիթթերում Միացեք մեզ Ֆեյսբուքում Միացեք մեզ Վկոնտակտե Միացեք մեզ Յութուբում Ֆլիկր Բլոգ Rss


Tour to Western Armenia
Tour to Western Armenia
Tour to Western Armenia
Կայքը պատրաստել է՝ www.galsit.com
Վերեւ