Անիտուրի մասին

 
Կայացման ուղին

«Անիտուր» տուրիստական կազմակերպությունը հիմնադրվել է 1996թ–ին ՀՀ Շիրակի մարզպետի խորհրդական (արտաքին հարաբերություններ` Թուրքիա-Վրաստան) Վոլոդյա Առուշանյանի կողմից: «Անիտուրը» առաջինն է եղել ՀՀ-ում, որ նախաձեռնել է ուղևորությունների կազմակերպում դեպի Պատմական` Արևմտյան Հայաստան: Ուսումնասիրությունների և բանակցությունների շնորհիվ ձեռք է բերվել հնարավորություն կազմակերպելու լիարժեք ուղևորություններ դեպի միլիոնավոր հայերի համար այդքան կարևորված քաղաքներ` Անի, Կարս, Բայազետ/ Դարոինք/, Բերկրի, Վան, Մուշ, Բիթլիս/ Բաղեշ/, Էրզրում, Բասեն, Արտվին, Արդահան, Ադանա, Այնթապ, Մարաշ, Սիս և այլն:

Մեծ փորձ ունեցող մասնագետների երկարատև աշխատանքի շնորհիվ ստեղծվել են ինքնատիպ և բովանդակալից ուղևորություններ: Առաջինը լինելու հանգամանքը և տարիներով հղկված երթուղիներն արդեն նախապայման են անթերի որակի, ինչի ապահովումն էլ հետևողականորեն վերահսկում է կազմակերպության տնօրինությունը: «Անիտուրը»  իր գործունեությամբ ճանապարհ է բացել նաև մի շարք այլ կազմակերպությունների համար, որոնք այսօր ներկայանում են շուկայում միևնույն առաջարկով: Վերոնշյալ փաստը ուրախալի է նաև «Անիտուրի» համար, քանի որ մեր գործում առաջին հերթին կարևորվում է առաքելությունը, որին էլ ծառայում է մեր աշխատանքը:

«Անիտուր» ընկերությունը կազմակերպում է նաեւ հայ ժողովրդի համար կարեւորագույն նշանակություն ունեցող իրադարձությունների հոբելյաններին նվիրված ուխտագնացություններ, որոնք լայն լուսաբանվում են լրատվամիջոցների եւ հեռուստաընկերությունների կողմից: 2001թ  արքեպիսկոպոս Մեսրոպ Աշճյանի հետ համատեղ կազմակերպվեց ուխտագնացություն դեպի Բագավան (Թուրքիա): Այն նվիրված էր քրիստոնեությունը որպես պետական կրոն Հայաստանում հռչակվելու 1700-ամյա հոբելյանին:

2003թ. Գրիգոր Նարեկացու անմահ մատյանի հազարամյակը նշող կառավարական հոբելյանական հանձնաժողովի առաջարկությամբ իրականացվեց ուխտագնացություն դեպի Նարեկ գյուղ:
2003թ. Ամենայն Հայոց Կաթողիկոս Գարեգին II-ի օրհնագրի համաձայն կազմակերպվեց ուխտագնացություն դեպի Սուրբ Մաշտոցի ծննդավայր Հացեկաց (Թուրքիա):
2008թ. ուխտագնացությունների շարքը նվիրված էր ամերիկահայ մեծանուն գրող Վիլյամ Սարոյանի ծննդյան 100-ամյակին: Ուխտագնացության ընթացքում մասնակիցները 1 օր անցկացրել են Բիթլիսում, որտեղ ծնվել է մեծ հայը:

«Անիտուր» կազմակերպությունն ունի տարիներով փորձված գործընկերներ, որոնք գնահատելով կազմակերպության ազնիվ աշխատանքը, լիարժեք վստահությամբ համագործակցում են ընկերության հետ: Հաշվի առնելով «Անիտուրի» հիմնական առաջարկի (Պատմական Հայաստան) տարածաշրջանային առանձնահատկությունը` պետք է ընդգծել նաև կազմակերպության հեղինակությունը, որի շնորհիվ վերջինս կարողանում է իրականացնել բարձրակարգ ու լիովին ապահով ուղևորություններ դեպի Պատմական Հայաստան: Կազմակերպությունը բարձրակարգ ուղևորություններ է կազմակերպում նաև Հայաստանի Հանրապետության, Լեռնային Ղարաբաղի, Վրաստանի և Իրանի տարածքում` անհատական և խմբակային ծրագրերով: 2003 եւ 2010 թվերին «Անիտուրը» INTERNATIONAL QUALITY SUMMIT AWARD –ի կողմից արժանացել է որակի ոսկե մրցանակի:

«Անիտուրը» մրցանակների է արժանացնում մշակույթի, սպորտի բնագավառում աչքի ընկած և միջազգային ճանաչում ձեռք բերած մեր հայրենակիցներին: Մեր նպատակն է հայ երիտասարդության մեջ սերմանել հայրենասիրություն. մասնակցելով մեր տուրերին նրանք ծանոթանում են մեր պատմությանն ու ճարտարապետությանը:

«Անի տուրի» հետ ճամբորդության մասնակցած բոլոր զբոսաշրջիկները դառնում են ընկերության բարեկամները և բազմիցս ցանկություն հայտնում մասնակցելու ընկերության կողմից առաջարկված այլ տուրերի: Մեր նպատակն է ամեն ինչ անել բարձր մակարդակով և արժանանալ զբոսաշրջիկի ջերմ գնահատականին:

Մենք շնորհակալ կլինենք, եթե դուք կիսվեք այս հոդվածով:
Կիսվել Թվիթթերում Կիսվել Ֆեյսբուքում Կիսվել Վկոնտակտե
Նորությունները Ձեր փոստին:
Անիտուրը հրավիրում է:
Միացեք մեզ Թվիթթերում Միացեք մեզ Ֆեյսբուքում Միացեք մեզ Վկոնտակտե Միացեք մեզ Յութուբում Ֆլիկր Բլոգ Rss


Tour to Western Armenia
Tour to Western Armenia
Tour to Western Armenia
Կայքը պատրաստել է՝ www.galsit.com
Վերեւ