Մեկնում
Առաջիկա տուր

Անիտուրը 15 տարեկան է

«Ես հիմա հաստատ գիտեմ, թե որտեղ եմ թողել իմ սիրտը»: Երբ այս նախադասությունը տեղադրեցի ֆեսբուքյան իմ էջի նկարներից մեկի վերաբերյալ, բոլոր ընկերներս զարմացած հարցնում էին` որտե՞ղ, որտե՞ղ: Չկա գեթ մեկ օր, որ չհիշեմ մեր ուխտագնացությունը: Սա այն հիշարժան դեպքն է, երբ հիշում ես, և հիշվում է յուրաքանչյուր մանրուք… Հիմա հաստատ կասեմ` իմ սիրտը թողել եմ Արարատ սարի փեշերին: Սիրելի Հռիփսիմե և պարոն Վոլոդյա, խոնարհվում եմ Ձեր արած գործի առջև:
Հասմիկ Սահակյան

Մարիետա և Հենրիկ Անասյանների շնորհավորանքները ԱնիտուրինՀայ դատի համար մղվող պայքարի ճանապարհին լուսավոր փարոսի է նման Անիտուր ճամփորդական ընկերությունը: Վոլոդյա Առուշանյանի հաստատության միջոցով ահա 15 տարի Հայաստանի և սփյուքի հայերը հնարավորություն են ունենում գնալ մեր պապենական վայրերը: Իր հաստատության շնորհիվ մարդիկ ոչ միայն ճամփորդում են, այլև ավելի են հայանում, իսկական հայ դառնում: Վոլոդյան և իր կինը` Հռիփսիկը, լավագույնս ուսումնասիրել են վերջին 100 տարվա Արևմտյան Հայաստանի պատմությունը և իրենց գիտելիքները լավագույնս փոխանցում են տուրիստներին` հարստացնելով նրանց գիտելիքները: Առուշանյան ամուսիները գերազանց և ամեն մի հարցում հոգատար վերաբերմունքով վայելում են իրենց հետ ճամփորդող բոլոր մարդկանց սերը: Այս տարվա ճամփորդությունը մշտապես կմնա մեր հիշողության մեջ: Եվ մենք` կենդանի վկաները Անիտուրի, կարող ենք վստահորեն ասել, որ նման ազնիվ, նվիրված և գիտելիքներով զինված Առուշանյանները դեռ երկար ճանապարհ ունեն գնալու: Թող ոչ մի խոչընդոտ չլինի նրանց ճանապարհին: Շնորհավոր Ձեր 15-ամյա հոբելյանը, սիրելի Անիտուր:
Մարիետա և Հենրիկ Անասյաններ, Արեւմտյան Հայաստանի ճանապարհորդներ

Սիրելի, տիկին Հռիփսիմե և պարոն Առուշանյան, անկեղծորոն շնորհավորում եմ Ձեզ, <Անիտուր> տուրիստական գործակալության 15 ամյակը: Ցանկանում եմ Ձեզ բաղում-բազում տասնհինգ ամյակներ:
Դուք Ձեր շնորհաշատ և ազգանվեր գործունեությամբ մշտապես արթուն եք պահում մեր ջերմ ու անկեղծ սերը մեր պատմական հայրենիքի նկատմամբ: Տիկին Հռիփսիմե և պարոն Առուշանյան, ցանկանում եմ Ձեզ քաջ առողջություն, ամուր կամք և տոկունություն:
14-րդ սեղանի հյուրեր

Սիրելի Անիտուր, սրտանց շնորհավորում ենք Ձեր 15-րդ տարին, ցանկանում ենք երկա~ր- երկա~ր տարիների հայրենանվեր աշխատանք և շատ-շատ հայեր, որոնք սփռված են աշխարհով մեկ, գան և Անիտուրի միջոցով այցելեն իրենց պապերի հողերը, և շատ շատերն էլ , ինձ պես գտնեն հայրական տունը և մեծ ոգևորություն ապրեն: Ծլե՛ք, ծաղկե՛ք, բարգավաճե՛ք:
«Արմեն տուր» տուրիստական գործակալություն

Սիրելի Անիտուր`
Ինչպես դուք եք կատարում շատ-շատ արևմտահայերի փափագը, թող որ Աստված կատարի Ձեր բոլոր երազանքները:

Գիտատեխնոլոգիական Ազգային Ակադեմիայի ակադեմիկոս
Վլադիմիր Քոչինյան


Նախնիներիս երազանքի և իմ ցանկության խաչմերուկում հանդիպեցինք, Անիտուր: Ծնունդդ շնորհավոր, Անիտուր: Ուշ հանդիպեցինք, բայց ոչ ուշացած, սիրեցինք իրար ու մտերմացանք:

Հայ ուխտի փարոսն ես դու՛, Անիտուր
Հայ իղձն ու երազանքը կրողն ես դու՛, Անիտուր
Դեռ պատանի խահեմ ես ու շա~տ բարի,
Տարածում ես մտերմություն,
Պարգևում ես կնունք, պսակ;
Ջերմությունդ հերիքում է բոլոր-բոլորին:
Մաղթում եմ քեզ համբերություն,
Երկա~ր- երկա~ր, կանաչ ճանապարհ,
Քո Վալոդ հորով, Հռիփսիմե մորով,
Մեծանաս դարով, Անիտուր!!!

Իվետա Բաբայան

Մենք շնորհակալ կլինենք, եթե դուք կիսվեք այս հոդվածով:
Կիսվել Թվիթթերում Կիսվել Ֆեյսբուքում Կիսվել Վկոնտակտե
Նորությունները Ձեր փոստին:
Անիտուրը հրավիրում է:
Միացեք մեզ Թվիթթերում Միացեք մեզ Ֆեյսբուքում Միացեք մեզ Վկոնտակտե Միացեք մեզ Յութուբում Ֆլիկր Բլոգ Rss


Tour to Western Armenia
Tour to Western Armenia
Tour to Western Armenia
Կայքը պատրաստել է՝ www.galsit.com
Վերեւ