Հայաստան և Վրաստան 11- օրյա տուր

1-ին օր

Դիմավորում Զվարթնոց օդանավակայանում: Ժամանում և տեղավորում հյուրանոցում:

• 
• 
• 
• 
• 

2-րդ օր

Սիթի տուր Երևանում, կայցելեք Մատենադարան, որն ունի ձեռագրերի և միջնադարյան գրքերի աշխարհի ամենախոշոր հավաքածուներից մեկը, Հայոց ցեղասպանության թանգարան, Մերգելյան կարպետ: Ճաշ Մերգելյան կարպետում, որտեղ ճանաչված խոհարար Արտավազդ Սարուխանյանի հետ կմասնակցենք հայկական ավանդական կերակուրների պատրաստմանը,ինչպես նաև կպարենք Քոչարի ( ՅՈՒՆԵՍԿՕ-ի ոչ նյութական ժառանգության ցանկում ընդգրկված հայկական ավանդական պար): Ճաշից հետո ուղևորվում եք հայոց հոգևոր մայրաքաղաք Էջմիածին: Էջմիածնի Մայր Տաճարը կառուցվել է IV դարի սկզբներին՝ Հայաստանում քրիստոնեությունը պետական կրոն հռչակելուց անմիջապես հետո, հեթանոսական տաճարի տեղում: Կայցելենք նաև Զվարթնոցի տաճար, որը կառուցել է Ներսես Շինարար կաթողիկոսը 643 թվականին: Վերջինս ընդգրկված է ՅՈՒՆԵՍԿՕ-ի համաշխարհային ժառանգության ցանկում:Վերադարձ Երևան գիշերակաց Ցենտրալ 4*  կամ Իմպերիալ 4* հյուրանոցում:

• 
• 
• 
• 
• 

3-րդ օր

Ուղևորվում ենք Հայաստանում միակ պահպանված հեթանոսական տաճար Գառնի ( սկիզբ մ.թ.ա. 2166 թ. , որը նվիրված է արևի Աստված Միհրին):Տեսնելով ճարտարապետական հրաշք համարվող Գառնին, մենք ամենագնացներով կուղևորվենք դեպի Գառնու ձոր, որտեղ մենք կտեսնենք ամենահզոր ճարտարապետի՝ բնության կեռտած քարերի սիմֆոնիան: Շարունակում ենք ճանապարհը Ազատ գետի կիրճով և հայտնվում ենք Գեղարդում (Այրիվանքում): Հենց այս վանական համալիրում է շուրջ 5 դար պահվել սուրբ Գեղարդը, որը իր հետ Հայաստան էր բերել Թադևոս առաքյալը:Այստեղ մենք կտեսնենք Այրիվանքի երեք ժայռափոր եկեղեցիները: Մասնակցություն լավաշի թխման արարողությանը և ճաշ ռեստորանում, որտեղից գեղեցիկ տեսարան է բացվում դեպի Գառնու կիրճը:Վերադարձ Երևան այցելություն կոնյակի գործարան: Էքսկուրսիա և մի քանի տեսակի լեգենդար կոնյակների համտեսում: Գիշերակացը Երևանում  Ցենտրալ 4* կամ Իմպերիալ 4* հյուրանոցում:

• 
• 
• 
• 
• 

4-րդ օր

Ուղևորություն Խոր Վիրապ (Հենց այստեղ Գրիգոր Լուսավորիչը անցկացրեց իր բանտարկության 14 տարիները , որը հետագայում դարձավ սրբավայր), այստեղից ամենամոտ տեսարան է բացվում դեպի բիբլիական Արարատ լեռը: Ժամերով կարելի է հիանալ Արարատի անզուգական գեղեցկությամբ, բայց պետք է շարունակել ճանապարհը դեպի Նորավանք: Ճանապարհին կայցելենք Թրչունների քարանձավ (Արենի 1) և գյուղ Արենի՝ որտեղ կվայելենք հազարամյակների շունչը իր մեջ կրող անմահական գինին: Այստեղ մեզ սպասվում է շատ հետաքրքիր ճաշ, մենք կհյուրընկալվենք գինեգործ Մհերի տանը որտեղ թոնրում կպատրաստենք հայկական հայտնի խորովածը և կհամտեսենք Մհերի հեղինակային գինիները :Ճաշից հետո կշարունակենք ճանապարհը դեպի Նորավանք, որը 13-րդ դարի սկզբին եղել է Սյունիքի հոգևոր կենտրոնը, Օրբելյան իշխանական տան տոհմական տապանատունը ։Մենք այստեղ կտեսնենք Հիսուս Քրիստոսի անձեռակերտ դիմապատկերը, որը աշխարհում եզակի երևույթներից է: Շարունակում ենք ճանապարհը դեպի Գորիս, ճանապարհին կայցելենք Շաքիի ջրվեժ որտեղ կհիանանք ջրվեժի հիասքանչ տեսարանով : Ընթրիք և գիշերակաց Գորիսում Միրհավ 4+ հյուրանոցում:

• 
• 
• 
• 
• 

5-րդ օր

Ուղևորվում ենք դեպի քարանձավային քաղաք Խնձորեսկ, այն ունի շուրջ 1300 տարվա պատմություն: Կտեսնենք քարանձավում բնակված մարդկանց կենսակերպը՝ անցնելով հայտնի ճոճվող կամրջի վրայով: Հետևում թողնելով Խնձորեսկը մենք ուղևորվում ենք դեպի աշխարհի ամենաերկար ճոպանուղին: Վայելելով Սունյաց լեռների գեղեցկությունը թռչնի թևերի բարձրությունից մենք հայտնվում ենք միջնադարյան ամենամեծ վանական համալիրում՝ Տաթևում:Լինելով Տաթևի վանական համալիրում թերևս ամեն ոք կզգա Աստծո ներկայությունը:Մենք այստեղ կտեսնենք բոլորին հայտնի Ձիթհանը որտեղ սկսած 17-րդ դարից սյունեցիները տարբեր սերմերից յուղեր են ստացել, որը օգտագործել են ինչպես առօրյա կյանքում այնպես էլ պաշպանության նպատակով՝ թշնամու վրա եռացրած յուղ լցնելով :Կճաշենք գետակի ափին համտեսելով հայտնի իշխան ձուկ պատրաստված թոնիրում: Հրաժեշտ տալով Սյունյաց աշխարհին մենք ուղևորվում ենք դեպի կապուտաչյա Սևանա լիճ՝ ճանապարհին վայելելով Սելիմի լեռնանցքի գեղեցկությունը, որի բարձրունքում ծվարել է Սելիմի քարավանատունը ( 14-րդ դարի այս քարավանատունը որպես իջևանատուն է ծառայել մետաքսի ճանապարհով անցնող առևտրականների համար): Սևանա լիճը իր մեծությամբ աշխարհի երկրորդ բարձրադիր անուշահամ լիճն է։ Կայցելենք նաև Սևանի թերակղզում գտնվող պատմական հուշարձաններից Սևանավանք 9-12-րդ դարեր, որտեղից   չքնաղ տեսարան է բացվում դեպի Սևանա լիճ: Գիշերակացը Սևանում:

• 
• 
• 
• 
• 

6 -րդ օր

Ուղևորվում ենք դեպի Դիլիջան: Ճանապարհին կայցելենք Գոշավանք՝ 12-րդ դարի հայ ճարտարապետության հրաշքներից մեկը:Այցելություն հին Դիլիջան որտեղ կհիանանք Դիլիջանի յուրահատուկ ճարտարապետությամբ: Թողնելով հետևում Հայաստանը անցնելով հայ – վրացական սահմանը մենք հասնում ենք Թբիլիսի: Տեղավորում հյուրանոցում, երեկոյան զբոսանք Թբիլիսիում: Գիշերակացը Թբիլիսիում:

• 
• 
• 
• 
• 

7-րդ օր

Առավոտյան ճոպանուղիով կբարձրանանք Նարիկալա ամրոց,կտեսնենք Մայր Վրաստան հուշարձանը: Այցելություն Վիրահայոց թեմի առաջնորդանիստ սուրբ Գևորգ եկեղեցի : Խաղաղության կամուրջ, կզբոսնենք Թբիլիսիի ամենահին փողոցներից՝ Լեսիդզեյով և Ռուսթավելիով, կտեսնենք նաև Հաբլաբարի թաղամասը, որտեղ գտնվում է հայտնի Միմինո ֆիլմի դերասանների արձանախումբը: Ճաշ Թբիլիսիյի հայտնի ռեստորաններից մեկում, որտեղ կհամտեսենք վրացական հայտնի ճաշատեսակներց: Այցելություն Ֆունիկլյոր որտեղից կդիտենք Կովկասի ամենագեղեցիկ քաղաքներից մեկի Թիֆլիսի համայնապատկերը: Կլինենք նաև Մեյդանում որտեղ կտեսնենք Թիֆլիսի հանրահայտ ծծմբային բաղնիքները: Գիշերակացը Թբիլիսիում:

• 
• 
• 
• 
• 

8 -րդ օր

Ուղևորվում ենք դեպի Մցխեթա ճանապարհին տեսնելով Ջվարի հրաշք վանքը: Մցխեթին Վրաստանի ամենահին քաղաքներից է: Ք.ա. 3-րդ դարից մինչև 5-րդ դար եղել է վրացական թագավորություն մայրաքաղաքը: Այստեղ վրացիները քրիստոնեությունն ընդունել են 317թ: Այսօր էլ Մցխեթին համարվում է վրաց Ուղղափառ և Առաքելական եկեղեցու կենտրոնը: Կանգառ Գորիում այցելություն Իոսիֆ Ստալինի տուն թանգարանը:Կլինենք նաև Բորժոմիում, որը հայտնի է իր հանքնային ջրերով: Այստեղ հանքային աղբյուրներ հայտնաբերվել են ավելի քան հազար տարի առաջ: Դա վկայում են 20-րդ դարի սկզբին հայտնաբերված 7 քարե վաննաները ( մ.թ. առաջին հազարամյակ):Կզբոսնենք այգում և կհամտեսենք Բորժոմիի նշանավոր հանքային ջուրը: Վերադարձ Թբիլիսի գիշերակաց հյուրանոցում:

• 
• 
• 
• 
• 

9-րդ օր

Ուղևորվում ենք Ալազանյան դաշտավայր, որտեղ ստանում են վրացական հայտնի գինիները:Կայցելենք սիրո քաղաք Սիգնախի :Ապա կտեսնենք Բոդեի վանքը, որտեղ գտնվում է սուրբ Նինոի գերեզմանը: Ճաշ հայտնի ռեստորանում վրացական ուտեստներով:Ճաշից հետո կշարունակենք մեր ճանապարհը դեպի Կախետիա՝ քաղաք Թելավի , որը համարվում է վրացական գինեգործության կենտոնը: Այցելություն գինու գործարան, գինու համտեսում: Վերադարձ Թբիլիսի, ճանապարհին կանգառ կունենանք Գոմբորիում որտեղից գենեցիկ տեսարան է բացվում դեպի Կովկասյան լեռներ և Ալազանյան դաշտավայր:Գիշերակացը Թբիլիսիում:

10-րդ օր

Հետևում թողնելով Վրաստանը մենք հատելով հայ - վրացական սահմանը կայցելենք Լոռի:Լոռիում կայցելենք Հաղպատի և Սանահինի վանական համալիրներ, որոնք համարվում են Լոռու ճարտարապետական զարդերը:Լոռուց կուղևորվենք Գյումրի: Հասնելով Գյումրի մենք կտեսնենք Գյումրու յուրահատուկ ճարտարապետությունը և կհասկանանք, որ Գյումրին աշխարհի այն քիչ քաղաքներից է, որն ունի նաև հոգի: Կճաշենք և հրաժեշտի խնջույք կունենանք հյուրասեր գյումրեցիների ամենասիրելի վայրերից մեկում՝ Չերկեսի ձորում: Պտույտ Գյումրիում որտեղ կտեսնենք Քըրք Քըրքորյանի, ինչպես նաև Շառլ Ազնավուրի արձանները, կայցելենք հայերի և ողջ նախկին ՍՍՀՄ միության ժողովուրդների կողմից հումորի լեգենդ համարվող Մհեր (Ֆրունզիկ) Մկրտչյանի տուն թանգարան: Գիշերակացը Երևանում  Ցենտրալ 4*  կամ  Իմպերիալ 4* հյուրանոցում:

• 
• 
• 
• 
• 

11-րդ օր

Ուղևորություն Զվարթնոց օդանավակայան, թռիչք:

• 
• 
• 
• 
• 

Լրացուցիչ տեղեկատվություն

Մենք շնորհակալ կլինենք, եթե դուք կիսվեք այս հոդվածով: