Կիլիկիա, Կապադովկիա և Արեւմտյան Հայաստան 12-օրյա բարձրակարգ շրջագայություն

1-ին օր

 Առավոտյան դուրս ենք գալիս Երեւանից, Գյումրիով գնում ենք Ախալքալակ, որը համարվում է Ջավախքի կենտրոնը: Հայ-վրացական սահմանն անցնում ենք Բավրայի մաքսակետով: Պտույտ Ջավախքում, այցելություն Ախալքալակի Սբ. Խաչ եկեղեցի: Ուղեւորվում ենք վրաց - թուրքական սահման,  անցնում ենք Կարզախի մաքսակետով:
Ուղևորություն Արդվին: Ճանապարհն անցնում է պատմական Հայաստանի Տայք նահանգով, որտեղ մենք կտեսնենք Թորթոմի լիճը, որի մեջ թափվում է Թորթում գետը, որը լճից դուրս գալով, դառնում է մի հիասքանչ ջրվեժ և ունի 48մ բարձրություն,   համարվում է բնության կերտած հրաշալիք: Ինչպես  նաև կայցելենք 19-րդ դարում կառուցված Օշք վանք: Արդվինում  կայցելենք   Արդվինի բերդ:
Գիշերակացը Արդվինի  Գրանդ Արդվին 5* հյուրանոցում: 

• 
• 
• 
• 
• 

2-րդ օր

 Ուղևորություն Գիռեսուն: Ճանապարհին  կլինենք  Համշենում (Հոպա),  հանդիպում համշենահայերի հետ: Կանգառ կունենանք Մաճկայում:  Այցելություն հունահռոմեական Սումելիաի վանական համալիր, որը կառուցվել է 13-րդ դարում ժայռի վրա: Մենաստանն  ունի քարանձավային 72 խուց:  Այցելություն Տրապիզոն,   կպտտվեք քաղաքում, կայցելենք Սբ. Սոֆիա եկեղեցի, Տրապզոնի ամրոց և թանգարան:   
Գիշերակացը Գիռեսունում ծովի ափին  գտնվող  Ժասմին 4+ hյուրանոցում:

• 
• 
• 
• 
• 

3-րդ օր

  Ուղևորվում ենք  Կեսարիա (Կապադովկիա): Կանգառ  Շապին Գարահիսարում (Զորավար Անդրանիկի ծննդավայր): Կայցելենք Սեբաստիա որտեղ կտեսնենք Սեբաստիայի բերդը և պահպանված հայկական տները: Ճանապարհը  կշարունակենք դեպի Կեսարիա որտեղ ձեռնադրվում էին հայ կաթողիկոսները (Քրիստոնյա Հայաստանի առաջին շրջան), այտեղ կտեսնենք հայկական սբ. Գրիգոր Լուսավորիչ եկեղեցին:  
 Գիշերակացը Կեսարիայում   Գրանդ Կայսերի   (Հիլթոն) 5*  հյուրանոցում:

• 
• 
• 
• 
• 

4-րդ օր

Ուղևորվում ենք Գորեմե (Նևշեհիր):   Որտեղ  ամբողջ օրը տեղացի գիդի մասնակցությամբ կշիջենք աշխարհի 8-րդ հրաշալիքը համարվող այդ զարմանահրաշ վայրում,  կտեսնենք   Ուչիսարի բերդը, որը   ընդգրկված է ՅՈՒՆԵՍԿՕ-ի պատմական հուշարձանների ցանկում  և մարդիկ ողջ աշխարից   այդ հրաշքը տեսնելու համար գալիս են Կապադովկիա  : Կճաշենք էկզոտիկ քարանձավ ռեստորանում, կհամտեսենք  Կապադովկիաի նշանավոր գինին:
Գիշերակացը Գորեմեում Տուրիստ 4+  կամ  Վեզիր քարանձավային հյուրանոցում: 

 

• 
• 
• 
• 
• 

5-րդ օր

Ուղևորվում ենք դեպի ծովափնյա Մերսին: Ճանապարհին կայցելենք Տարսոն՝ Կիլիկիայի թագավորների թագադրման վայրը: Այստեղ են գտնվում Պողոս Առաքյալի քարանձավը, Կլեոպատրայի  դարպասները, որտեղ ըստ ավանդության Կլեոպատրան և Անտոնիոսը առաջին անգամ հանդիպել են: Ինչպես նաև կայցելենք Տարսոնի Սբ. Աստվածածին հայկական եկեղեցի : Ժամանում Մերսին, տեղավորում հյուրանոցում, հանգիստ ծովի ափին:
Գիշերակացը  Մերսինում  Լիպարիս 5*   կամ  Ռոյալ Սեբաստիա 4+ հյուրանոցում:

• 
• 
• 
• 
• 

6-րդ օր

 Հանգիստ  ծովափին, նավակով  այցելություն Կոռիկոսի ծովային բերդ (Աղջկա բերդ),  ստորգետնյա ստալակտիտային թանգարան,   հռոմեական քաղաքի անտիկ ամֆիթատրոն  և համալսարան, կհիանանք հռոմեական անտիկ մշակույթով: Շարունակում ենք վայելել ծովը:
Գիշերակացը  Մերսինում  Լիպարիս 5*   կամ  Ռոյալ Սեբաստիա 4+ հյուրանոցում:

• 
• 
• 
• 
• 

7-րդ օր

   Ուղևորվում  ենք Այնթափ:  Ճանապարհին կայցելենք Ադանա կլինենք  Բելենում, Իսկենդերունում (Ալեքսանդրետ) և Դորթ Յոլում: Ադանայում շատ կարեւոր է Մեհյան  գետի վրա Հուստինիանոսի /527-565/ ժամանակ կառուցված 22 աչքանի կանգուն կամուրջը: Կտեսնեք հայկական թաղամասի տները և Բեբեքլի  եկեղեցին:   Կլինենք նաև Մուսա լեռան Վաքըֆ միակ հայաբնակ գյուղում, որտեղ աղոթք ենք անելու գործող Սբ. Աստվածածին հայկական եկեղեցում այն բոլոր Մուսա լեռցիների համար, ովքեր 40 օր հերոսաբար պայքարեցին  եւ չհանձնվեցին: Ժամանում ենք Այնթափ, որտեղ կտեսնենք բերդը, Պալյանների կողմից կառուցված և մզկիթի վերածված հայկական հրաշագեղ եկեղեցին, հայակական շքեղ տներ, որոնք վերածվել են սրճարանների: Կտեսնենք նաև Սբ. Աստվածածին եկեղեցին, որը վերածվել է մշակույթի տան:
Գիշերակացը Այնթափի  Սիրեհան 5* հյուրանոցում:

• 
• 
• 
• 
• 

8-րդ օր

   Ուղևորվում ենք Ադիյաման : Ճանապարհին կայցելենք Ուրֆա:Ուրֆայում կտեսնենք սրբազան ձկների ավազանը, Աբրահամ մարգարեի քարանձավը, հայկական եկեղեցին ,Ուրֆայի  բերդը, Պորտասար(Գյոբեկլի թեփե) թանգարանը (նեոլիթյան շրջանի կրոնածիսական համալիր):  Ճանապարհին  կբարձրանանք Նեմրութ սար :Սարի մի մասը կբարձրանանք մեքենայով, իսկ մնացած հատվածը բարձրանում ենք ոտքով: Ճանապարհին դրված են նստարաններ հանգստանալու համար: Ամբողջ աշխարհը գալիս է դիտելու Երվանդունիների արքայական դամբարանը եւ հեթանոս աստվածների արձանները /Արամազդ, Միհր, Վահագն, Անահիտ/, որոնք 8մ բարձրություն ունեն:  Գիշերակացը Ադիյամանում Վայթ Սթար 5* հյուրանոցում:

• 
• 
• 
• 
• 
• 

9-րդ օր

Ուղևորմում ենք Դիարբեքիր: Ճանապարհին կայցելենք Մալաթիա և Խարբերդ:Մալաթիայում կայցելենք  սուրբ երրորդություն եկեղեցի, Հրանդ Դինքի   տուն թանգարան: Իսկ Խարբերդում կայցելենք հայկական թաղամաս, եկեղեցի և   Խարբերդի բերդ: Կանգառ  պատմական Ծովք լճի մոտ: Դիարբեքիրում  կտեսնեք սբ. Կիրակոս 7 խորանանոց եկեղեցին: Ամբողջ քաղաքի միջով անցնում են 8կմ երկարություն ունեցող բերդապարիսպները: Կտեսնենք նաև եղեռնի հուշարձանը:
  Գիշերակացը  Դիարբեքիրում Լիլուզ 4+ հյուրանոցում:

• 
• 
• 
• 
• 
• 

10-րդ օր

 Ուղևորվում ենք Արևմտյան Հայաստանի դրախտավայրերից  հայոց առաջին  մայրաքաղաք Վան:   Կլինենք Բիթլիսում,  կտեսնենք  մթա. 4-րդ  դարում  Ալեքսանդր  Մակեդոնացու կառուցած  Բիթլիսի նշանավոր  բերդը, հայկական թաղամասը և տները, Բիթլիս գետի հին  կամուրջը, ինչպես  նաև  19-րդ դարադկզբի հայկական արական դպրոցը:Կայցելենք  նաև Վ. Սարոյանի ծնողների ծննդավայր Պոռ գյուղ,  որտեղ կիսավեր Սբ. Աստվածածին եկեղեցու կողքին գտնվում են 3-4 մ. բարձրությամբ  եզակի զարդանախշ  խաչքարեր: Կշարունակենք ճանապարհը դեպի Աղթամար կղզի: Աղթամար կղզի կգնանք նավակով մոտ 15 րոպե: Երբ մոտենում ենք կղզուն մեզ հպարտորեն դիմավորում է Սբ. Խաչ եկեղեցին՝ Արծրունյաց հարստության ու փառքի լուռ վկան: Այն կառուցել է Ճարտարապետ Մանվելը 915-921թթ.: Ճաշում ենք լճի ափին գտնվող «Աղթամար» ռեստորանում, որը միակ տեղն է, ուր մատուցում են հանրահայտ վանա տառեխը: Հանգստանում, լողանում, վայելում ենք Վանա լիճը: 

Գիշերակացը Էլիտ Վորդ Վան  5* շքեղ հյուրանոցում:



 

• 
• 
• 
• 
• 

11-րդ օր

 Ուղևորվում ենք Կարս: Մինչ այդ սիթի տուր կունենանք Վանում, առաջինն կայցելենք  Վանա բերդ՝ կառուցված Ուրարտական ժամանակաշրջանում, որտեղ գտնվում են Արգիշտիի, Մենուայի, Ռուսայի դամբարանները: Կտեսնենք Մհերի դուռը,(Սասունցի Դավիթ էպոս), որը հավերժ չի բացվում:Կլինենք Այգեստանում  և Քաղաքամեջում, որտեղ կազմակերպվել է  Վանի  նշանավոր ինքնապաշպանությունը ( Արամ  Մանուկյան, Փանոս Թերլեմեզյան, Իշխան…):  Ճանապարհին կայցելենք Բայազետ: Այստեղ կարևորվում է Բայազետի բերդը: Բարձրագագաթ քարաժայռի վրա գտնում է հինավուրց բերդը, որի համար գերմանացի ճանապարհորդ Վագները գրել է. «Հանդուգն և հրաշակերտ շինվածք է` այնպիսի տեղերի վրա հաստատված, որ բազեներն ու անգղները հազիվ թե կհամարձակվեն բույն դնել:» Կտեսնենք նաև Իսհակ  փաշայի  հրաշագեղ պալատը, կսրճենք և կզմայլվենք բնության կերտած Բերկրիի հրաշագեղ ջրվեժի տեսարանով:Կլինենք  նաև   Իգդիրում  կտեսնենք Նոյան Տապանի մակետը: Ժամանում Կարս   տեղավորում հյուրանոցում  պտույտ  Կարսում: Առաքելոց եկեղեցին, որը կառուցվել է Հայոց Աբաս Բագրատունի թագավորի ժամանակ /928-953թթ./ կենտրոնագմբեթ շքեղ կառույց է, մինչեւ օրս կանգուն է, բայց վերածվել է մզկիթի: Հիանում ենք Կարսի բերդի անառիկ տեսքով, ցանկացողները կարող են բարձրանալ բերդ, որտեղից բացվում է Կարսի համայնապատկերը: Ոտքով անցնում ենք սբ. Վարդանի կամրջով, տեսնում ենք սեւ քարով կառուցված երկհարկանի տներ,որոնք հիանալի պահպանվել են եւ դրանց կողքին Չարենցի հայրական տան փլատակները:Այցելում ենք ռուսական  եկեղեցի(Ալեքսանդր Նևսկի 19-րդ դար),  ցարական  զորանոցներ, ինչպես նաև Սարիղամիշի նշանավոր  ճակատամարտի թանգարան (1914 դեկտեմբեր 1915 փետրվար  Ցարական Ռուսաստան-Թուրքիա):
Գիշերակացը  Կարսի Կատերինա Սարայ հյուրանոցում 5*: 19-րդ դար ցարական Ռուսաստան՝ Նիկոլայ 2-րդ:

• 
• 
• 
• 
• 

12-րդ օր

 Ուղևորվում ենք  Բագրատունյաց  Հայաստանի հոգևոր մայրաքաղաք լուսապայծառ   Անի: 961թ. Անին հռչակվել է Հայոց 11-րդ մայրաքաղաք: Անին նշանավոր է իր եկեղեցիներով: Անիի մայր տաճարը կառուցել է Տրդատ ճարտարապետը 989-1001թթ.: Այն համարվում է հայ ճարտարապետության գլուխգործոց: Սուրբ Փրկիչ /1035թ./ եկեղեցու ընդհանուր հորինվածքն այնքան  միասնական է եղել, որ անգամ մեջտեղից կիսվելուց հետո էլ գմբեթը չի փլվել: Հոնենցի եկեղեցին դրսից եւ ներսից զարդարված է բազմաթիվ քանդակներով եւ նկարներով:
 Սահմանի անցում: Ուղևորություն Գյումրի  հրաժեշտի խնջույք Գյումրիի նշանավոր Սև  բերդի ռեստորանում (19-րդ  ցարական Ռուսաստան) Ժամանում Երևան:

 

• 
• 
• 
• 
• 

Լրացուցիչ տեղեկատվություն

Մենք շնորհակալ կլինենք, եթե դուք կիսվեք այս հոդվածով: