օրից
Մեկնում
Հատուկ առաջարկ

13- օրյա տուր Հայաստան, Արևմտյան Հայաստան և Վրաստան

1-ին օր

Դիմավորում Զվարթնոց օդանավակայանում: Ժամանում և տեղավորում հյուրանոցում:

  • Զվարթնոց օդանավակայան
  • Երեւան
  • Հանրապետության հրապարակ
  • Կասկադ
  • Երևանի հրապարակ
2-րդ օր

Սիթի տուր Երևանում, կայցելեք Մատենադարան, որն ունի ձեռագրերի և միջնադարյան գրքերի աշխարհի ամենախոշոր հավաքածուներից մեկը, Հայոց ցեղասպանության թանգարան,Մերգելյան կարպետ: Ճաշ Մերգելյան կարպետում ,որտեղ ճանաչված խոհարար Արտավազդ Սարուխանյանի հետ կմասնակցենք հայկական ավանդական կերակուրների պատրաստմանը,ինչպես նաև կպարենք Քոչարի ( ՅՈՒՆԵՍԿՕ-ի ոչ նյութական ժառանգության ցանկում ընդգրկված հայկական ավանդական պար): Ճաշից հետո ուղևորվում ենք հայոց հոգևոր մայրաքաղաք Էջմիածին: Էջմիածնի Մայր Տաճարը կառուցվել է IV դարի սկզբներին՝ Հայաստանում քրիստոնեությունը պետական կրոն հռչակելուց անմիջապես հետո, հեթանոսական տաճարի տեղում: Կայցելենք նաև Զվարթնոցի տաճար, որը կառուցել է Ներսես Շինարար կաթողիկոսը 643-652 թվականներին: Վերջինս ընդգրկված է ՅՈՒՆԵՍԿՕ-ի համաշխարհային ժառանգության ցանկում:

Վերադարձ Երևան գիշերակաց  Ցենտրալ 4*  կամ  Իմպերիալ  4*  հյուրանոցում:

  • Ալեքսանդր Սպենդիարյանի անվան օպերայի և բալետի ազգային ակադեմիական թատրոն
  • Ցեղասպանության թանգարան-ինստիտուտ
  • Մայր տաճար
  • Զվարթնոց
  • Զվարթնոց
3-րդ օր

Ուղևորություն Խոր Վիրապ (Հենց այստեղ Գրիգոր Լուսավորիչը անցկացրեց իր բանտարկության 14 տարիները , որը հետագայում դարձավ սրբավայր), այստեղից ամենամոտ տեսարան է բացվում դեպի բիբլիական Արարատ լեռը: Ժամերով կարելի է հիանալ Արարատի անզուգական գեղեցկությամբ, բայց պետք է շարունակել ճանապարհը դեպի Հայաստանում միյակ պահպանված հեթանոսական տաճար Գառնի ( սկիզբ մ.թ.ա. 2166 թ. , որը նվիրված է արևի Աստված Միհրին):Տեսնելով ճարտարապետական հրաշք համարվող Գառնին, մենք ամենագնացներով կուղևորվենք դեպի Գառնու ձոր, որտեղ մենք կտեսնենք ամենահզոր ճարտարապետի՝ բնության կեռտած քարերի սիմֆոնիան: Մասնակցություն լավաշի թխման արարողությանը և ճաշ ռեստորանում, որտեղից գեղեցիկ տեսարան է բացվում դեպի Գառնու կիրճը: Շարունակում ենք ճանապարհը Ազատ գետի կիրճով և հայտնվում ենք Գեղարդում (Այրիվանքում) :Հենց այս վանական համալիրում է շուրջ 5 դար պահվել սուրբ Գեղարդը, որը իր հետ Հայաստան էր բերել Թադևոս առաքյալը:Այստեղ մենք կտեսնենք Այրիվանքի երեք ժայռափոր եկեղեցիները:Գիշերակացը Երևանում  Ցենտրալ  4* կամ  Իմպերիալ 4* հյուրանոցում:

  • Խոր Վիրապ
  • Խոր Վիրապ
  • Գառնի
  • Գառնի
  • Գեղարդ վանական համալիր
4-րդ օր

Ուղևորություն Գյումրի: Ճանապարհին կայցելենք Սաղմոսավանք, որտեղ կհիանանք Քասախի կիրճի վեհությամբ: Հասնելով Գյումրի մենք կտեսնենք Գյումրու յուրահատուկ ճարտարապետությունը և կհասկանանք, որ Գյումրին աշխարհի այն քիչ քաղաքներից է, որն ունի նաև հոգի:Կճաշենք հյուրասեր գյումրեցիների ամենասիրելի վայրերից մեկում՝ Չերկեսի ձորում: Ճաշից հետո կայցելենք հայերի և ողջ նախկին ՍՍՀՄ միության ժողովուրդների կողմից հումորի լեգենդ համարվող Մհեր (Ֆրունզիկ) Մկրտչյանի տուն թանգարան : Այցելություն Սև բերդ, որը կառուցվել է ցարական Ռուսաստանի իշխանության տարիներին և այժմ ընդգրկված է Գյումրիի պատմության և մշակույթի հուշարձանների ցանկում: Գիշերակաց հյուրանոցում:

  • Շառլ Ազնավուրի արձան
  • Գյումրի
  • Բյուրական
  • Գյումրի
  • Մհեր Մկրտչյանի արձան
5-րդ օր

Թողնելով հետևում Հայաստանը հասնում ենք Վրաստան , անցնելով Մոլոկանների գյուղերի միջով (Մոլոկանները հին ռուսական դավանանքի կրողներն են, որոնց Եկատերինա 2-րդ թագուհին ունեզրկել և աքսորել էր ) մտնում ենք Ախալքալակի (Ախալքալակը դա հին հայկական Ջավախքի մարզկենտրոնն է ): Պտույտ Ջավախքում, այցելություն Ախալքալակի Սբ. Խաչ եկեղեցի: Ուղևորվում ենք վրաց - թուրքական սահման, դեպի Կարզախ (աշուղ Ջիվանու ծննդավայր, այցելություն Ջիվանու տուն-թանգարան) անցնում ենք Կարզախի մաքսակետով:

Կանգառ Չըլդր լիճ (Ծովակն Հյուսիսո) ճաշ լճի ափին գտնվող գոխտրիկ ռեստորանում(որտեղ կվայելենք լճի հրաշահամ ձկնատեսակներից): Ուղևորություն Հայոց 10 –րդ մայրաքաղաք Կարս: Ժամանում տեղավորում հյուրանոցում պտույտ Կարսում: Առաքելոց եկեղեցին, որը կառուցվել է Հայոց Աբաս Բագրատունի թագավորի ժամանակ /928-953թթ./ կենտրոնագմբեթ շքեղ կառույց է, մինչև օրս կանգուն է, բայց վերածվել է մզկիթի: Հիանում ենք Կարսի բերդի անառիկ տեսքով, ցանկացողները կարող են բարձրանալ բերդ, որտեղից բացվում է Կարսի համայնապատկերը: Ոտքով անցնում ենք սբ. Վարդանի (Վարդան Մամիկոնյան) կամրջով, տեսնում ենք սև տուֆով կառուցված երկհարկանի հայկական տներ, որոնք հիանալի պահպանվել են եւ դրանց կողքին Չարենցի հայրական տան փլատակները:Այցելում ենք ռուսական եկեղեցի(Ալեքսանդր Նևսկի 19-րդ դար), ցարական զորանոցներ, ինչպես նաև Սարիղամիշի նշանավոր ճակատամարտի թանգարան (1914 դեկտեմբեր 1915 փետրվար Ցարական Ռուսաստան-Թուրքիա):

Գիշերակացը Կարսի Կատերինա Սարայ հյուրանոցում 5*: 19-րդ դար ցարական Ռուսաստան՝ Նիկոլայ 2-րդ:

 

 

 

  • Ախալքալաք
  • Ծովակն Հյուսիսո
  • Կարսի համայնապատկեր
  • Կարսի ընդհանուր տեսքը
  • Կարսի եկեղեցի
6 -րդ օր

Ուղևորվում ենք Անի՝ հազար ու մի եկեղեցիների քաղաք: 961թ. Անին հռչակվել է Հայոց 11-րդ մայրաքաղաք: Անին նշանավոր է իր եկեղեցիներով: Անիի մայր տաճարը կառուցել է Տրդատ ճարտարապետը 1001 թ.: Այն համարվում է հայ ճարտարապետության գլուխգործոց: Սուրբ Փրկիչ /1035թ./ եկեղեցու ընդհանուր հորինվածքն այնքան միասնական է եղել, որ անգամ մեջտեղից կիսվելուց հետո էլ գմբեթը չի փլվել: Հոնենցի եկեղեցին դրսից եւ ներսից զարդարված է բազմաթիվ քանդակներով եւ նկարներով:Վերադարձ Կարս, ճաշ՝ Կարսում որտեղ կհամտեսենք Կարսի նշանավոր խորովածը:

Ապա կշարունակենք ճանապարհը դեպի Արեւմտյան Հայաստանի դրախտավայրերց մեկը՝ Հայոց առաջին մայրաքաղաք Վան: Ճանապարհին կայցելենք Իգդիր: Իգդիրում կտեսնենք Նոյան տապանի մակետը: Այցելություն Բայազետ (Դարոյնք): Այստեղ կարևորվում է Բայազետի բերդը: Բարձրագագաթ քարաժայռի վրա գտնում է հինավուրց բերդը, որի համար գերմանացի ճանապարհորդ Վագները գրել է. «Հանդուգն և հրաշակերտ շինվածք է` այնպիսի տեղերի վրա հաստատված, որ բազեներն ու անգղները հազիվ թե կհամարձակվեն բուն դնելուԿտեսնենք նաև Իսհակ փաշայի հրաշագեղ պալատը, կսրճենք և կզմայլվենք բնության կերտած Բերկրիի հրաշագեղ ջրվեժի տեսարանով:

Հասնում ենք Վան: Վանում առաջինն այցելում ենք Վանա բերդ՝ կառուցված ուրարտական ժամանակաշրջանում (մ. թ. ա. 9-րդ դար), որտեղ գտնվում են Արգիշտիի, Մենուայի, Ռուսայի դամբարանները: Այցելում ենք Մհերի դուռ,(Սասունցի Դավիթ էպոս), որը հավերժ չի բացվում:Կայցելենք Այգեստան և Քաղաքամեջ որտեղ կազմակերպվել է Վանի նշանավոր ինքնապաշպանությունը ( Արամ Մանուկյան, Փանոս Թերլեմեզյան, Իշխան…): 

Գիշերակացը  Էլիտ Ուորլդ Վան 5*  շքեղ հյուրանոցում:

  • ՀՈՆԵՆՑԻ ԵԿԵՂԵՑԻ ՍԲ Գրիգոր լուսավորիչ
  • ԱՆԻԻ ՄԱՅՐ ՏԱՃԱՐԸ  Սբ. Կաթողիկե
  • Իգդիր
  • Բայազետի բերդ
  • Մհերի դուռը Վան
7-րդ օր

Առավոտյան ուղևորվում ենք Վարագավանք, որտեղ Խրիմյան Հայրիկը 1858 թ. հիմնադրել է նշանավոր ժառանգավորաց դպրոցը, որտեղ ուսանել են Գ. Սրվանձտյանցը և այլ հայտնի դեմքեր, իսկ ուսուցիչների թվում է եղել նշանավոր Րաֆֆին:

Ապա կայցելենք Աղթամար կղզի, ուր նավակով կգնանք մոտ 15 րոպե: Երբ մոտենում ենք կղզուն մեզ հպարտորեն դիմավորում է Սբ. Խաչ եկեղեցին՝ Արծրունյաց հարստության ու փառքի լուռ վկան: Այն կառուցել է Ճարտարապետ Մանվելը 921թ .: Ճաշում ենք լճի ափին գտնվող «Աղթամար» ռեստորանում, որտեղ կճաշակենք հանրահայտ վանա Տառեխը:Այստեղից կուղևորվենք Մուշ : Ճանապարհին կայցելենք Բիթլիս որտեղ կտեսնենք մ.թ.ա. 4-րդ դարում Ալեքսանդր Մակեդոնացու կառուցած Բիթլիսի նշանավոր բերդը, հայկական թաղամասը և տները, Բիթլիս գետի հին կամուրջը, ինչպես նաև 19-րդ դարադկզբի հայկական արական դպրոցը:Կլինենք նաև Վ. Սարոյանի ծնողների ծննդավայր Պոռ գյուղում որտեղ կիսավեր Սբ. Աստվածածին եկեղեցու կողքին գտնվում են 3-4 մ. բարձրությամբ եզակի զարդանախշ խաչքարեր:Ապա կլինենք Մուշում որտեղ կարևոր է տեսնել Սբ. Մարինե եկեղեցին, որը կիսավեր է, և հայկական գերեզմանատունը, որտեղ ամփոփված է Գևորգ Չաուշի աճյունը: Ինչպես նաև կտեսնենք Արածանիի գետի վրա գտնվող Սուլուխի կամուրջ, որտեղ անհավասար մարտում զոհվել է Գևորգ Չաուշը:

Գիշերակացը Գրանդ Մուշ հյուրանոցում:

  • Վարագավանքը 1923թ.-ին
  • Աղթամար կղզին եւ եկեղեցին
  • Սբ. Խաչ եկեղեցի
  • Հայկական եկեղեցի Բիթլիսում
  • Մշո Առաքելոց Վանքը հնում
8 -րդ օր

Ուղեվորվում ենք Սարիղամիշ: Ճանապարհին կանգառ կունենանք Հովվի կամուրջի մոտ ( Արաք և Մուրց գետերի խառնարան) : Շարունակում ենք ճանապարհը դեպի Էզրում :Էրզրումը Արևմտյան Հայաստանի հայաշատ քաղաքներից է եղել, որտեղից Կարապետ արքեպիսկոպոսի առաջնորդությամբ 1830թ.-ին Էրզրումից և շրջակա հարյուրավոր գյուղերից մոտ 50 հազ. հայ գաղթել և բնակություն է հաստատել Ջավախքում: Էրզրումում կտեսնենք բերդը, հայկական եկեղեցին, Սանասարյան վարժարանը:

Գիշերակացը Սարիղամիշի Հաբիթաթ 5* հյուրանոցում:

  • Սբ. Մարինե եկեղեցի
  • Սուլուխի կամուրջ
  • Էրզրում-2
  • Էրզրում-1
  • Էրզրում
9-րդ օր

Հատելով թուրք-վրացական սահմանը հասնում ենք Ախալցիխե, որտեղ կտեսնենք Ախալցիխեի հրաշագեղ բերդը: Բերդը տեսնելուց հետո ուղևորվում ենք դեպի հանրահայտ առողջանային քաղաք Բորժոմի: Բորժոմին հայտնի է իր հանքնային ջրերով: Այստեղ հանքային աղբյուրներ հայտաբերվել են ավելի քան հազար տարի առաջ: Դա վկայում են 20-րդ դարի սկզբին հայտաբերված 7 քարե վաննաները ( մ.թ. առաջին հազարամյակ):Կզբոսնենք այգում և կհամտեսենք Բորժոմիի նշանավոր հանքային ջուրը: Գիշերակաց Բորժոմիյում:

  • Ախալցխե
  • Ախալցխե
  • Ախալցխա
  • Արաքս գետը
  • Ախալքալաք
10-րդ օր

Ուղևորվում ենք Թբիլիսի` ճանապարհին կանգ առնելով վրաց հոգևոր կենտրոն Մցխեթիում: Մցխեթին Վրաստանի ամենահին քաղաքներից է: Ք.ա. 3-րդ դարից մինչև 5-րդ դար եղել է վրացական թագավորություն մայրաքաղաքը: Այստեղ վրացիները քրիստոնեությունն ընդունել են 317թ: Այսօր էլ Մցխեթին համարվում է վրաց Ուղղափառ և Առաքելական եկեղեցու կենտրոնը:Կլինենք նաև Ջվարիի նշանավոր վանական համալիրում: Կանգառ Գորիում այցելություն Իոսիֆ Ստալինի տուն թանգարան:Գիշերակացը Թբիլիսիում:

  • Իկալթո
  • Ս. Թադեի վանք
  • Սբ. Սարգիս եկեղեցի
  • Եկեղեցի Թբիլիսիում
  • Թբիլիսի
11-րդ օր

Առավոտյան ճոպանուղիով կբարձրանանք Նարիկալա ամրոց,կտեսնենք Մայր Վրաստան հուշարձանը: Այցելություն Վիրահայոց թեմի առաջնորդանիստ սուրբ Գևորգ եկեղեցի : Խաղաղության կամուրջ, կզբոսնենք Թբիլիսիի ամենահին փողոցներից՝ Լեսիդզեյով և Ռուսթավելիով, կտեսնենք նաև Հաբլաբարի թաղամասը, որտեղ գտնվում է հայտնի Միմինո ֆիլմի դերասանների արձանախումբը: Ճաշ Թբիլիսիյի հայտնի ռեստորաններից մեկում, որտեղ կհամտեսենք վրացական հայտնի ճաշատեսակներց: Այցելություն Ֆունիկլյոր որտեղից կդիտենք Կովկասի ամենագեղեցիկ քաղաքներից մեկի Թիֆլիսի համայնապատկերը: Կլինենք նաև Մեյդանում որտեղ կտեսնենք Թիֆլիսի հանրահայտ ծծմբային բաղնիքները: Գիշերակացը Թբիլիսիում:

  • Ս. Թադեի վանք
  • Հավլաբար
  • Թբիլիսի
  • Ռուսթավելի պողոտա
  • Թբիլիսի
12-րդ օր

Ուղղևորություն հայ-վրացական սահման, սահմանի անցում:Այցելություն Լուռու ճարտարապետական հրաշալիքները համարվող  Հաղպատի և Սանահինի վանական համալիրներ: Այստեն մենք կհիանաք Լոռու ճարտարապետության ու բնության հրաշքներով : Ապա ճանապարհը կշարունակենք դեպի Սևան: Սևանա լիճը իր մեծությամբ աշխարհի երկրորդ բարձրադիր անուշահամ լիճն է։ Կայցելենք Սևանի թերակղզում գտնվող պատմական հուշարձաններից Սևանավանք 9-12-րդ դարեր, որտեղից բացվում է չքնաղ տեսարան դեպի Սևանա լիճ:Ժամանում Երևան, որտեղ երեկոյան կկայանա հրաժեշտի խնջույք: Գիշերակացը Երևանում  Ցենտրալ 4*  կամ  Իմպերիալ4*  հյուրանոցում:

  • Սանահին վանք
  • Սանահին վանք
  • Հաղպատավանք
  • Սևան
  • Սևան
13-րդ օր

Ուղղևորություն Զվարթնոց օդանավակայան, թռիչք:

  • Ալեքսանդր Սպենդիարյանի անվան օպերայի և բալետի ազգային ակադեմիական թատրոն
  • Կասկադ
  • Երեւան
  • Մատենադարան
  • Զվարթնոց օդանավակայան

Լրացուցիչ տեղեկատվություն

Մենք շնորհակալ կլինենք, եթե դուք կիսվեք այս հոդվածով:
Կիսվել Թվիթթերում Կիսվել Ֆեյսբուքում Կիսվել Վկոնտակտե
Նորությունները Ձեր փոստին:
Անիտուրը հրավիրում է:
Միացեք մեզ Թվիթթերում Միացեք մեզ Ֆեյսբուքում Միացեք մեզ Վկոնտակտե Միացեք մեզ Յութուբում Ֆլիկր Բլոգ Rss


Tour to Western Armenia
Tour to Western Armenia
Tour to Western Armenia
Կայքը պատրաստել է՝ www.galsit.com
Վերեւ