Արեւմտյան Հայաստան 6-օրյա բարձրակարգ շրջագայություն (Օգոստոս 31)
Շրջագայության երթուղին:
Երեւան - Գյումրի - Ախալքալաք - Էրզրում - Վան - Բերկրի - Բայազետ (Արարատ սար) - Իգդիր - Կարս - Անի - Երեւան6-օրյա շրջագայություն նվիրված Աղթամարի Սբ. Խաչ եկեղեցու պատարագին և այցելություն Մալաթիայում վերաբացված Սբ. Երրորդություն եկեղեցի
Փաստացի արժեքը կախված է խմբերի անդամների քանակից.
20 անձ` 650$ համարժեք ՀՀ դրամ / Mercedes ավտոբուս 30 տեղ, 2020թ./
15 անձ` 670$ համարժեք ՀՀ դրամ / 1 Mercedes Sprinter 20 տեղ, 2020թ. /
10 անձ`690$ համարժեք ՀՀ դրամ / 1 Mercedes Sprinter 20 տեղ, 2020թ./
- 1-ին օր
-
Առավոտյան ժամը 6:00-ին Երևանից շարժվում ենք Գյումրի, փոքր կանգառ Գյումրիում, Ախալքալաքի սահմանն անցնում ենք Կարզախի անցակետով(աշուխ Ջիվանիի ծննդավայր), ճաշում ենք Արդահանում, որից հետո գնում ենք Թորթումի ջրվեժ, որը առաջանում է Թորթում գետից ունի 45մ բարձրություն: Մի փոքր հանգստանալուց և ջրվեժի հիասքանչ տեսքը վայելելուց հետո շարունակում ենք ճանապարհը դեպի էրզրում, կանգառ Օշք վանքում: Ժամանում Էրզրում, տեղավորում 5աստղանի հյուրանոցում:
- 2-րդ օր
-
Նախաճաշ, պտույտ քաղաքում Էրզրումի բերդ, Սբ. Աստվածածին եկեղեցի այժմ վերածված է մզկիթի, նախկինում Հառաջ թերթի խմբագրություն, ուղևորություն դեպի Մալաթիա, կանգառ-պտույտ Խարբերդում(այցելություն տեղի հայկական թաղամաս,<Եփրատ քոլեջ>), Խարբերդի բերդ, ժամանում Մալաթիա, այցելություն տեղի Սուրբ Երրորդություն եկեղեցի, որը վերաբացվել է 2022 թվականին, այցելություն տեղի Հայկական գերեզմանատուն և մատուռ: Գիշերացը 5 աստղանի ՙՌամադա՚ հյուրանոցում:
- 3-րդ օր
-
Նախաճաշ, ուղևորություն դեպի Նեմրութ սար, հեթանոսական կրոնի աստվածների արձաններ(Արամազդ,Անահիտ, Միհր, Վահագն և այլն): Ճաշ Եփրատի ափին գտնվող ռեստորանում: Ժամանում դիարբեքիր, տեղավորում 5 աստղանի հյուրանոցում, պտույտ քաղաքում, այցելություն յոթ խորան ունեցող Սուրբ Կիրակոս հրաշագեղ եկեղեցի, ինչպես նաև Տիգրան Երվանդունու կառուցած բերդապարիսպներ: Գիշերակաց Դիարբեքիրի 5 աստղանի Park Hotel հյուրանոցում:
- 4-րդ օր
-
Նախաճաշ, ուղևորություն դեպի Վան, պտույտ քաղաքում, այցելություն Վանա բերդ, Մհերի դուռ: Գիշերակացը 5 աստղանի Elite World հյուրանոցում:
- 5-րդ օր
-
Նախաճաշ, ուղևորություն Ախթամար կղզի , մասնակցություն Սուրբ Խաչ եկեղեցու պատարագին, ճաշ Ախթամար ռեստորանում(Վանա տառեխի համտեսում), ուղևորություն Հայաստանի 10-րդ մայրաքաղաք Կարս: Ժամանում Կարս, տեղավորում 5աստղանի հյուրանոցում(այն նախկինում եղել է ռուսական գիմնազիա, ուր ուսանել է հայ մեծանուն բանաստեղծ Եղիշե Չարենցը):
Լրացուցիչ տեղեկատվություն
Մենք շնորհակալ կլինենք, եթե դուք կիսվեք այս հոդվածով:
Նորությունները Ձեր փոստին:
Անիտուրը հրավիրում է:
