Արեւմտյան Հայաստան 5-օրյա բարձրակարգ շրջագայություն

Երթուղու քարտեզը
Շրջագայության արժեքը: սկսած 490 USD Շրջագայության տեւողությունը: 5 օր Շրջագայության ժամանակացույցը: 30 Մայիսի, 14 Հունիսի, 23 Օգոստոսի, 13 Սեպտեմբերի, 11 Հոկտեմբերի, 25 Հոկտեմբերի, 10 Նոյեմբերի Շրջագայության երկարությունը: 2600 կմ ( 1615 մղոն ) Շրջագայության տեսակը: Արեւմտյան Հայաստան

Անիտուր ընկերությունը հանդիսանում է Պատմական Հայաստան պատմամշակութային տուրերի հիմնադիրը և միակն է  Հայաստանում, որը շուրջ 20 տարի իրականացնում է  միմիայն բարձրակարգ (VIP) տուրեր: Մասնակիցների գերակշիռ մասն արտերկրից են, ովքեր կարևորում են կոմֆորտը (հյուրանոց, սնունդ, տրանսպորտ, գիդ և այլն):
Փաստացի արժեքը կախված է խմբերի անդամների քանակից.

30 անձ` 490$ համարժեք ՀՀ դրամ /Mercedes Tourismo 48 տեղ, 2017թ./
20 անձ` 525$ համարժեք ՀՀ դրամ / 2 Mercedes Sprinter 17 տեղ, 2017թ./
10 անձ` 570$ համարժեք ՀՀ դրամ / 1 Mercedes Sprinter 17 տեղ, 2017թ. /
9-7 անձ`610$-790$ համարժեք ՀՀ դրամ / 1 Mercedes Sprinter 17 տեղ, 2017թ./
4-6 անձ անհատական պատվեր  / 1 Mercedes Viano 8 տեղ, 2017թ./

Մինիմալ խմբաքանակի դեպքում /12-14 անձ/ կկիրառվեն զեղչեր:

1-ին օր

Առավոտյան դուրս ենք գալիս Երեւանից, Գյումրիով գնում ենք Ախալքալակ, որը համարվում է Ջավախքի կենտրոնը: Հայ-վրացական սահմանն անցնում ենք Բավրայի մաքսակետով: Պտույտ Ջավախքում, այցելություն Ախալքալակի Սբ. Խաչ եկեղեցի: Ուղեւորվում ենք վրաց - թուրքական սահման, դեպի Կարզախ (աշուղ Ջիվանու ծննդավայր, այցելություն Ջիվանու տուն-թանգարան)    անցնում ենք Կարզախի մաքսակետով:
Կանգառ Չըլդր լիճ (Ծովակն Հյուսիսո) ճաշ լճի  ափին գտնվող գոխտրիկ  ռեստորանում(ձուկ): Ուղևորություն Կարս: Ժամանում տեղավորում հյուրանոցում  պտույտ  Կարսում: Առաքելոց եկեղեցին, որը կառուցվել է Հայոց Աբաս Բագրատունի թագավորի ժամանակ /928-953թթ./ կենտրոնագմբեթ շքեղ կառույց է, մինչեւ օրս կանգուն է, բայց վերածվել է մզկիթի: Հիանում ենք Կարսի բերդի անառիկ տեսքով, ցանկացողները կարող են բարձրանալ բերդ, որտեղից բացվում է Կարսի համայնապատկերը: Ոտքով անցնում ենք սբ. Վարդանի կամրջով, տեսնում ենք սեւ քարով կառուցված երկհարկանի տներ, որոնք հիանալի պահպանվել են  եւ դրանց կողքին Չարենցի հայրական տան փլատակները:Այցելում ենք ռուսական  եկեղեցի(Ալեքսանդր Նևսկի 19-րդ դար),  ցարական  զորանոցներ, ինչպես նաև Սարիղամիշի նշանավոր  ճակատամարտի թանգարան (1914 դեկտեմբեր 1915 փետրվար  Ցարական Ռուսաստան-Թուրքիա):
Գիշերակացը Կարսի Կատերինա Սարայ հյուրանոցում 5*: 19-րդ դար ցարական Ռուսաստան՝ Նիկոլայ 2-րդ:


  • Առաքելոց եկեղեցի
  • Կարսի բերդ
  • Անիի մայր տաճար
  • Սուրբ Փրկիչ եկեղեցի
  • Հոնենցի եկեղեցին
2-րդ օր

  Ուղևորվում ենք Բագրատունյաց Հայաստանի հոգևոր մայրաքաղաք լուսապայծառ   Անի: 961թ. Անին հռչակվել է Հայոց 11-րդ մայրաքաղաք: Անին նշանավոր է իր եկեղեցիներով: Անիի մայր տաճարը կառուցել է Տրդատ ճարտարապետը 989-1001թթ.: Այն համարվում է հայ ճարտարապետության գլուխգործոց: Սուրբ Փրկիչ /1035թ./ եկեղեցու ընդհանուր հորինվածքն այնքան  միասնական է եղել, որ անգամ մեջտեղից կիսվելուց հետո էլ գմբեթը չի փլվել: Հոնենցի եկեղեցին դրսից եւ ներսից զարդարված է բազմաթիվ քանդակներով եւ նկարներով:Վեռադարձ Կարս, ճաշ՝ Կարսի նշանավոր խորոված:
  Ապա ուղևորվում ենք Արեւմտյան Հայաստանի դրախտավայրերց մեկը՝ Հայոց առաջին մայրաքաղաք Վան: Ճանապարհին կայցելենք Իգդիր: Իգդիրում կտեսնենք Նոյան Տապանի մակետը: Այցելություն Բայազետ: Այստեղ կարևորվում է Բայազետի բերդը: Բարձրագագաթ քարաժայռի վրա գտնում է հինավուրց բերդը, որի համար գերմանացի ճանապարհորդ Վագները գրել է. «Հանդուգն և հրաշակերտ շինվածք է` այնպիսի տեղերի վրա հաստատված, որ բազեներն ու անգղները հազիվ թե կհամարձակվեն բուն դնելու:» Կտեսնենք նաև Իսհակ  փաշայի  հրաշագեղ պալատ, կսրճենք և կզմայլվենք բնության կերտած Բերկրիի հրաշագեղ ջրվեժի տեսարանով:
Հասնում ենք Վան: Վանում առաջինն այցելում ենք Վանա բերդ՝ կառուցված Ուրարտական ժամանակաշրջանում, որտեղ գտնվում են Արգիշտիի, Մենուայի, Ռուսայի դամբարանները: Այցելում ենք Մհերի դուռ,(Սասունցի Դավիթ էպոս), որը հավերժ չի բացվում:Կայցելենք  Այգեստան  և Քաղաքամեջ որտեղ կազմակերպվել է  Վանի  նշանավոր ինքնապաշպանությունը ( Արամ  Մանուկյան, Փանոս Թերլեմեզյան, Իշխան…):  
Գիշերակացը  Էլիտ Ուորլդ Վան 5*  շքեղ հյուրանոցում:

  • Բայազետի բերդ
  • Բերկրիի ջրվեժ
  • Վան
  • Վանա բերդ
  • Մհերի դուռ
3-րդ օր

Առավոտյան  ուղևորվում ենք  Վարագավանք, որտեղ Խրիմյան  Հայրիկը 1858-1864թթ. հիմնադրել է  նշանավոր ժառանգավորաց դպրոցը, որտեղ ուսանել են Գ. Սրվանձտյանցը, Ա. Թոխմախյանը, Հ. Սևիկյանը և այլոք: Իսկ ուսուցիչների թվում  է եղել  նշանավոր  Րաֆֆին:
    Ապա  կայցելենք  Աղթամար կղզի, ուր նավակով կգնանք մոտ 15 րոպե: Երբ մոտենում ենք կղզուն մեզ հպարտորեն դիմավորում է Սբ. Խաչ եկեղեցին՝ Արծրունյաց հարստության ու փառքի լուռ վկան: Այն կառուցել է Ճարտարապետ Մանվելը 915-921թթ.: Ճաշում ենք լճի ափին գտնվող «Աղթամար» ռեստորանում, որը միակ տեղն է, ուր մատուցում են հանրահայտ վանա տառեխը:Այստեղից կուղևորվենք  Դատվան  կտեղավորվենք հյուրանոցում և կբարձրանանք Նեմրութ սար, որտեղ կզմայլվենք սարի  գագաթին  գտնվող լճերի տեսարանով և կդիտենք մայրամուտը:
Գիշերակացը  Կռատեր 4+ հյուրանոցում:

  • Սբ. Խաչ եկեղեցի
  • Աղթամարի Սբ. Խաչ եկեղեցի
  • Վանա լիճը
  • Վանա Լիճ
  • Վանա լիճ
4-րդ օր

Ուղեվորվում  ենք Սարիղամիշ Ճանապարհին  կայցելենք Բիթլիս  որտեղ  կտեսնենք  մթա. 4-րդ  դարում  Ալեքսանդր  Մակեդոնացու կառուցած  Բիթլիսի նշանավոր  բերդը, հայկական թաղամասը և տները, Բիթլիս գետի հին  կամուրջը, ինչպես  նաև  19-րդ դարադկզբի հայկական արական դպրոցը:Կլինենք նաև Վ. Սարոյանի ծնողների ծննդավայր Պոռ գյուղում որտեղ կիսավեր Սբ. Աստվածածին եկեղեցու կողքին գտնվում են 3-4 մ. բարձրությամբ  եզակի զարդանախշ  խաչքարեր:Ապա կլինենք Մուշում որտեղ կարևոր է տեսնել Սբ. Մարինե եկեղեցին, որը կիսավեր է, և Հայկական գերեզմանատունը, որտեղ ամփոփված է Գեւորգ Չաուշի աճյունը: Ինչպես  նաև կտեսնենք Արածանիի գետի  վրա գտնվող Սուլուխի կամուրջ, որտեղ անհավասար մարտում զոհվել է Գևորգ Չաուշը:
Շարունակում ենք ճանապարհը դեպի Էզրում :Էրզրումը Արևմտյան Հայաստանի հայաշատ քաղաքներից է եղել, որտեղից Կարապետ արքեպիսկոպոսի առաջնորդությամբ 1830թ.-ին Էրզրումից և շրջակա հարյուրավոր գյուղերից մոտ 50 հազ. հայ գաղթել և բնակություն է հաստատել Ջավախքում: Էրզրումում կտեսնենք բերդը, հայկական եկեղեցին, Սանասարյան վարժարան:
Գիշերակացը   Սարիղամիշում    Հաբիթաթ 4+ հյուրանոցում:



  • Սուլուխի կամուրջ
  • Սբ. Մարինե եկեղեցի
  • սբ. Աստվածածին եկեղեցի, Էրզրում
  • Թորթում լիճ
  • Թորթումի ջրվեժ
5-րդ օր

  Ուղևորվում ենք հայ-վրացական սահման: Ճանապարհն անցնում է պատմական Հայաստանի Տայք նահանգով, որտեղ մենք կտեսնենք Թորթոմի լիճը, որի մեջ թափվում է Թորթում գետը, այնուհետև լճից դուրս գալով, դառնում է մի հիասքանչ ջրվեժ, որը ունի 48մ բարձրություն և համարվում է բնության կերտած հրաշալիք: Ինչպես  նաև կայցելենք 19-րդ դարում կառուցված Օշք վանք: Կանգառ ճաշ Արդահանում որտեղ կտեսնենք բերդը  հայկական տները: Սահմանի անցում: Ժամանում Երևան:

Լրացուցիչ տեղեկատվություն

Կարծիքներ

Արտյոմ Քոսակյան

Զգում ես կորցրածի մեծությունը, երբ այն տեսնում ես սեփական աչքերով: Ես զգացի դա,  զգացի մարմնիս յուրաքանչյուր բջիջով: Եվ ինձ հետաքրքրեց երկու հարց՝ ո՞վ է ասում, որ դրախտ գոյություն չունի, ո՞վ է ասում՝ Աստված հրաշքներ չի գործում: Առարկում եմ. Աստված գործեց այդ հրաշքը, և ես եղա դրախտում: Գուցե բառերս բավական չլինեն նկարագրելու զգացումները, որոնք ունեցա Արևմտյան Հայաստանում: Լինելով  մեր երբեմնի շքեղաշուք քաղաքներում՝ հազիվ էի արցունքներս խեղդում կոկորդիս մեջ: Գուցե դա նրանից էր, որ տղաները լաց չեն լինում, կամ թե արցունքներս չէին հոսում՝ կարծրանալով սրտիս մեջ և վերածվելով զայրութի ու ատելության: Ինչպե՞ս չզայրանաս, երբ գիտես, որ այդտեղից յուրաքանչյուր քար քոնն է, սակայն թուրք կամ քուրդ երեխան է խաղում դրանց մեջ: Սիրտս ավելի էր ճմլվում, երբ հիշում էի տատիկիս ասած խոսքերը. «Երնեկ քո աչքերին, բալա ջան»: Միայն հիմա եմ հասկանում նրա ասածի իմաստը և մտածում, որ, այո՛,  երանի իմ աչքերին: Ցանկացած հայ կցանկանար լինել իր պապերի հողում, որը միանալու է ներկայիս մի բուռ Հայաստանին, և մենք ունենալու ենք ծովից ծով Հայաստան:
Իմ խորին շնորհակալությունն եմ հայտնում «Հայ ասպետ»-ի ղեկավարությանը և «Անիտուր» գործակալությանը այսպիսի հրաշալի ակնթարթներ ինձ պարգևելու համար:

Արտյոմ Քոսակյան Ուսանող
Լիլիթ Հովանյան

Կարս, Անի, Իգդիր, Բերկրի, Վան, Աղթամար, Մուշ, Էրզրում... Նրանք հարազետ են, մոտիկ, ու մտերիմ: Վրաստանում ես զգում էի այն անհանգստությունը, որն անուսափելի է օտար երկրում: Այստեղ՝ոչ:  Բնակվող թուրքերն ու քրդերը տհաճություն են պատճառում՝ անշորհք ու երկար մնացող հյուրի պես:  Շրջում ենք Արևմտյան Հայաստանում: Սա երազանք է,  տենչանք, իղձ ու նպատակ՝ անըմբռնելի, անշոշափելի, բայց իրական: Չեմ ուզում նկարագրել այն, ինչ զգացի, տեսա ու մտածեցի այստեղ:  Կան բաներ, որ սուզվում են մեր սրտի ու գիտակցության խորքն ու մնում այնտեղ ու բյուրեղանում: Ամեն բերդից, եկեղեցուց ու  հուշարձանից հեռանալիս ուզում եմ լալ ու վերադառնալ նրանց գիրկը, բայց զսպում եմ ինձ: Պետք չէ, որ նրանց դարավոր վերքերը  մի անգամ էլ մղկտան իմ աղի արցունքներից:
Տեր Աստծուն խնդրում եմ միայն, որ ինձ տոկալու ուժ և ունեցածս ճիշտ գնահատելու ունակություն տա:

Լիլիթ Հովանյան .
Թերեզա Կարապետյան, Guillaume Basselin

Շնորհակալ ենք Անիտուրին այսպիսի հիասքանչ վայրեր մեզ բացահայտելու համար: Անին տեսնելը յուրաքանչյուր հայի  երազանքն է, ես ինձ շատ երջանիկ եմ զգում այսօր, որ կարողացա Ձեր շնորհիվ բացահայել մեր սուրբ հին հողերը և սիրտս լի հրաշալի հիշողություններով վերադառնում եմ Հայաստան:
Շատ գոհ ենք նաև Անիտուր կազմակերպությունից՝ հյուրանոցները գերազանց հարմարավետ են և սնունդը շատ համեղ: Եվս մեկ անգամ մեծ սիրով կմասնակցենք ձեր մյուս ճամփորդություններին: Շնորհակալություն ամեն ինչի համար:

Թերեզա Կարապետյան, Guillaume Basselin ԱՊՀ երկրների պատասխանատու
Իրա Ոսկանյան

«Անիտուր»-ի շնորհիվ եղա Արևմտյան Հայաստանի մի շարք քաղաքներում: Երջանիկ զգացողություն ունեցա, որ վերջապես եղա իմ պապերի Էրգրում, ոտք դրեցի մեր մեծերի հայրենիքում, թվաց՝ խոսում են մեզ հետ, հետևում մեզ հայացքով…
Ցավ ու ափսոսանք ապրեցի, որ այդ ամենը այդքան մոտ և այնքան հեռու է մեզնից…
Երբ մոտիկից տեսա մեր հոգևոր մտքի անխոս վկաներին , սիրտս ճմլվեց . լքված տաճարները, խեղաթյուրված արձանագրությունները, քերված ու վիրավոր քարեր…. Իսկ Վանա լիճը հրաշք էր՝ հրաշք Աղթամարով, սբ. Խաչ եկեեղեցով, վանա տառեխով:
Շնորհակալություն «Անիտուր»-ին՝ հաճելի և հոգեպարար էքսկուրսիանների, ջերմ ու հոգատար վերաբերմունքի համար:

Իրա Ոսկանյան Մանկավարժ
Նունե Խաչատրյան

Անսպասելի իրականացավ մանկությունից փափագած երազանքս: Դեպի մեր պապերի Երկիր ուխտագնացությունը տարիներ շարունակ հոգումս իրարամերժ զգացողություններ էր առաջացնում: Գնա՞մ, թե՝ չգնամ: Ահա եկավ պահը: Ամուսնուս և դստերս հետ որոշեցինք մասնակցել այս ուղևորությանը:
Սրտի թրթիռով էի սպասում, թե երբ կտեսնեմ պապերիս ծննդավայրը: Առաջինը մեզ դիմավորեց Արդահանը: Քարացել էի բնության այդ շքեղ գույներից. անծայրածիր  անտառներ, դաշտեր...
Հասանք Կարս: Պապիկս ծնունդով Կարսից է: Անկախ ինձանից սիրտս սկսեց թրթռալ: Հուզմունքը կոկորդս խեղդում էր, արցունքները հոսում էին աչքերիցս: Շատ-շատ դժվար էր:
Եղանք Անիիում, Վանում, Իգդիրում, Մուշում, Էրզրումում: Բարձրացանք Արարատի փեշին, ներկա գտվեցինք Աղթամարի Սբ. Խաչ եկեղեցում տեղի ունեցող պատարագին: Ամեն մի վայրից հեռանալիս կարծես սրտիցս մի կտոր էի պոկում և թողնում: Մի բութ ցավ կոկորդս խեղդում էր: Բայց ի՞նչ կարող ես անել: Մնում է միայն ապրել ու Աստծուն խնդրել պատմական ճշմարտության վերականգնում: Մեր ուխտագնացությունը չափազանց հետաքրքիր և հագեցած էր շնորհիվ «Անիտուրի» կազմակերպիչների: Ամբողջ հոգով շնորհակալ եմ տեր և տիկին Առուշանյաններին, նրանց որդուն: Թող Աստված Ձեզ տա քաջ առողջություն և երկար տարիների կյանք, քանզի դուք կատարում եք հայրենանվեր, հսկայական, անգնահատելի աշխատանք:

Նունե Խաչատրյան Մանկավարժ
Մարիամ Սարգսյան

Սա իմ երկրորդ ուխտագնացությունն էր Արևմտյան Հայաստան: Այս անգամ ծնողներիս ուղեկցությամբ: Ուխտագնացությունը բացառիկ էր նրանով, որ բախտ վիճակվեց ներկա գտնվելու և հաղորդություն ստանալու Աղթամարի Սբ. Խաչ եկեղեցու պատարագին: Ցավ ապրեցի, երբ տեսա Վարագավանքի Սբ. Նշան եկեղեցու  նախագավիթն այլևս չկար (փլվել էր  Վանի երկրաշարժի ժամանակ), թե ինչպես էին մեր աչքի առաջ քանդում Մուշի  հայկական թաղամասի հայերից մնացած վերջին մնացորդները: Ինչպես միշտ Առուշանյանների ընտանիքը ամեն ինչ կազմակերպել էր բարձր մակարդակով: Նրանց օգնությամբ հայրս գտավ իր պապի գյուղը՝ Բերդաղը: Հուզմունքն աննկարագրելի էր: Շնորհակալություն Առուշանյան ընտանիքին  այս Աստվածահաճո  և հայրենանվեր  աշխատանքի համար: Հիշենք, որ  մենք ոչ միայն  ցեղասպանության ենթարկված, այլ նաև հայրենազրկված ժողովուրդ ենք: Մեր հայրենիքի բռնազավթված մասը վաղ թե ուշ միանալու է Հայաստանի Հանրապետությանը: Բայց այստեղ հարկ եմ համարում մեջբերել հայ մեծն վիպասան Րաֆֆու խոսքերը.  «Ով չի ճանաչում իր հայրենիքը, չի կարող ճշմարտապես սիրել այն:»

Մարիամ Սարգսյան Արվեստաբան, պատմաբան
Հովհաննես Հակոբյան

Շնորհակալություն Առուշանյանների ընտանիքին, որ անգնահատելի ծառայություն մատուցեցին մեզ՝ հնարավորություն տալով լինել Էրզրում: Մեր հիմնական նպատակն էր լինել մեր պապերի ծննդավայրում: Կնոջս նախնիները գաղթել են Բայազետից, իսկ իմ  պապը ծնվել է Էրզրումում: Կիսով չափ իրականացավ նաև իմ երազանքը՝ բարձրանալ Արարատ: Արարչի կամոք հաջորդ տարի կբարձրանամ Արարատի գագաթը: Այն ինչ զգացինք, դժվար է բացատրել, առաջինը ուրախություն, որ այդպիսի դրախտային երկիր ունենք և ցավ, որ այն օտարինն է, որ տիրոջ նման խնամում է այն: Վերադարձից հետ հիասթափություն ու անորոշություն: Օտարը պահպանում է մեր երկիրը, իսկ մենք ավերում ու պղծում ենք վերջին մի բուռ հողը, որն արդեն կորցնում ենք: Կոտորածի համար մեղադրում ենք բոլորին, թուրքին, քրդին, ռուսին, բայց իրական մեղավորը մենք ենք, որ կորցրել ենք մեր հոգևոր արժեքները, հեռացել ենք մեր արմատներից: Միայն վերադարձը մեր արմատներին կփրկի մեր ազգը:

Հովհաննես Հակոբյան Ոսկրիչ-ձուլող

Կայացած շրջագայությունները

Մենք շնորհակալ կլինենք, եթե դուք կիսվեք այս հոդվածով:
Կիսվել Թվիթթերում Կիսվել Ֆեյսբուքում Կիսվել Վկոնտակտե
Նորությունները Ձեր փոստին:
Անիտուրը հրավիրում է:
Միացեք մեզ Թվիթթերում Միացեք մեզ Ֆեյսբուքում Միացեք մեզ Վկոնտակտե Միացեք մեզ Յութուբում Ֆլիկր Բլոգ Rss


Tour to Western Armenia
Tour to Western Armenia
Կայքը պատրաստել է՝ www.galsit.com
Վերեւ