Արեւմտյան Հայաստան (Տրապիզոն, Համշեն) 7-օրյա բարձրակարգ շրջագայություն

Երթուղու քարտեզը
Շրջագայության արժեքը: սկսած 690 USD Շրջագայության տեւողությունը: 7 օր Շրջագայության ժամանակացույցը: 15 Օգոստոսի Շրջագայության երկարությունը: 2600 կմ ( 1615 մղոն ) Շրջագայության տեսակը: Արեւմտյան Հայաստան

Անիտուր ընկերությունը հանդիսանում է Պատմական Հայաստան պատմամշակութային տուրերի հիմնադիրը և միակն է  Հայաստանում, որը շուրջ 20 տարի իրականացնում է  միմիայն բարձրակարգ (VIP) տուրեր: Մասնակիցների գերակշիռ մասն արտերկրից են, ովքեր կարևորում են կոմֆորտը (հյուրանոց, սնունդ, տրանսպորտ, գիդ և այլն):
Փաստացի արժեքը կախված է խմբերի անդամների քանակից.

30 անձ` 690$ համարժեք ՀՀ դրամ /Mercedes Tourismo 48 տեղ, 2017թ./
20 անձ` 725$ համարժեք ՀՀ դրամ / 2 Mercedes Sprinter 17 տեղ, 2017թ./
10 անձ` 770$ համարժեք ՀՀ դրամ / 1 Mercedes Sprinter 17 տեղ, 2017թ./
9-7 անձ`830$ -980$ համարժեք ՀՀ դրամ / 1 Mercedes Sprinter 17 տեղ, 2017թ./
4-6 անձ անհատական պատվեր  / 1 Mercedes Viano 8 տեղ, 2017թ./

1-ն օր

Առավոտյան դուրս եք գալիս Երեւանից, Գյումրիով գնում եք Ախալքալակի, որը համարվում է Ջավախքի կենտրոնը: Հայ-վրացական սահմանն անցնում եք Բավրայի մաքսակետով: Պտույտ Ջավախքում, այցելություն Ախալքալաքի Սբ. Խաչ եկեղեցի: Ուղեւորվում եք վրաց - թուրքական սահման, անցնում եք Կարզախի մաքսակետով:
Այցելություն Չըլդր լիճ (Ծովակն Հյուսիսո): Ուղևորություն Կարս: Առաքելոց եկեղեցին, որը կառուցվել է Հայոց Աբաս Բագրատունի թագավորի ժամանակ /928-953թթ./ կենտրոնագմբեթ շքեղ կառույց է, մինչեւ օրս կանգուն է, բայց վերածվել է մզկիթի: Հիանում եք Կարսի բերդի անառիկ տեսքով, ցանկացողները կարող են բարձրանալ բերդ, որտեղից բացվում է Կարսի համայնապատկերը: Ոտքով անցնում եք սբ. Վարդանի կամրջով, տեսնում եք սեւ քարով կառուցված երկհարկանի տներ, հիանալի պահպանված եւ դրանց կողքին Չարենցի հայրական տան փլատակները:
Ուղևորվում եք Անի: 961թ. Անին հռչակվել է Հայոց 11-րդ մայրաքաղաք: Անին նշանավոր է իր եկեղեցիներով: Անիի մայր տաճարը կառուցել է Տրդատ ճարտարապետը 989-1001թթ.: Այն համարվում է հայ ճարտարապետության գլուխգործոց: Սուրբ Փրկիչ /1035թ./ եկեղեցու ընդհանուր հորինվածքն այնքան  միասնական է եղել, որ անգամ մեջտեղից կիսվելուց հետո էլ գմբեթը չի փլվել: Հոնենցի եկեղեցին դրսից եւ ներսից զարդարված է բազմաթիվ քանդակներով եւ նկարներով:
Վերադարձ Կարս: 
Գիշերում ենք Կարսի «Գրանդ Անի» հյուրանոցում 4*:

  • Առաքելոց եկեղեցի
  • Կարսի բերդ
  • Անիի մայր տաճար
  • Սուրբ Փրկիչ եկեղեցի
  • Հոնենցի եկեղեցին
2-րդ օր

Ուղևորվում եք Արեւմտյան Հայաստանի դրախտավայրերց մեկը՝ Հայոց առաջին մայրաքաղաք Վան: Ճանապարհին կայցելեք Իգդիր: Իգդիրում կտեսնեք Նոյյան Տապանի մակետը: Այցելություն Բայազետ: Այստեղ կարևորվում է Բայազետի բերդը: Բարձրագագաթ քարաժայռի վրա գտնում է հինավուրց բերդը, որի համար գերմանացի ճանապարհորդ Վագները գրել է. «Հանդուգն և հրաշակերտ շինվածք է` այնպիսի տեղերի վրա հաստատված, որ բազեներն ու անգղները հազիվ թե կհամարձակվեն բուն դնելու:» Կտեսնեք նաև բնության կերտած Բերկրիի ջրվեժը:
Հասնում եք Վան: Վանում առաջինն այցելում եք Վանա բերդ՝ կառուցված Ուրարտական ժամանակաշրջանում, որտեղ գտնվում են Արգիշտիի, Մենուայի, Ռուսայի դամբարանները: Այցելում եք Մհերի դուռ, որը հավերժ չի բացվում:
Տեղավորվում եք «Խալդի» հյուրանոցում 4*, կամ Էլիտ Ուորլդ Վան 5* հյուրանոցում:

  • Բայազետի բերդ
  • Բերկրիի ջրվեժ
  • Վանա բերդ
  • Մհերի դուռ
  • Վան
3-րդ օր

Աղթամար կղզի գնում եք նավակով մոտ 15 րոպե: Երբ մոտենում եք կղզուն ձեզ հպարտորեն դիմավորում է Սբ. Խաչ տաճարը՝ Արծրունյաց հարստության ու փառքի լուռ վկան: Այն կառուցել է Ճարտարապետ Մանվելը 915-921թթ.: Ճաշում եք լճի ափին գտնվող «Աղթամար» ռեստորանում, որը միակ տեղն է, ուր մատուցում են հանրահայտ վանա տառեխը: Հանգստանում, լողանում, վայելում եք Վանա լիճը: Ուղևորվում եք Տարոն աշխարհ՝ Մուշ: Մուշում կարեւոր է տեսնել Սբ. Մարինե եկեղեցին, որը կիսավեր է, եւ Հայկական գերեզմանատունը, որտեղ ամփոփված է Գեւորգ Չաուշի աճյունը:
Ուղեւորվում եք Արածանիի վրա գտնվող Սուլուխի կամուրջ, որտեղ անհավասար մարտում զոհվել է Գեւորգ Չաուշը:
Գիշերակաց Դիար Փարիզ 4* հյուրանոցում:

  • Վանա լիճ
  • Աղթամար կղզի
  • Սբ. Խաչ եկեղեցի
  • Սբ. Մարինե եկեղեցի
  • Սուլուխի կամուրջ
4-րդ օր

Ուղևորվում եք Դիարբեքիր, որտեղ կտեսնեք սբ. Կիրակոս 7-խորանանոց եկեղեցին: Ամբողջ քաղաքի միջով անցնում են 8կմ երկարություն ունեցող բերդապարիսպները: Կտեսնեք նաև եղեռնի հուշարձանը: Ուղևորվում եք Նեմրութ սար: Մեքենայով բարձրանում եք սարը, իսկ մի որոշ հատված բարձրանում եք ոտքով: Ճանապարհին դրված են նստարաններ հանգստանալու համար: Ամբողջ աշխարհը գալիս է դիտելու Երվանդունիների արքայական դամբարանը եւ հեթանոս աստվածների արձանները /Արամազդ, Միհր, Վահագն, Անահիտ/, որոնք 8մ բարձրություն ունեն:
Ուղևորվում եք Մալաթիա: Ճանապարհին կայցելեք Հայոց կաթողիկոսների ձեռնադրման վայր՝ Կեսարիա, որտեղ պահպանված է հայկական սբ. Գրիգոր Լուսավորիչ եկեղեցին:
Գիշերելու եք Ռամադա Պլազա հյուրանոցում 5*:

  • սբ. Կիրակոս եկեղեցի
  • Դիարբեքիրի բերդապարիսպներ
  • Նեմրութ սար
  • Նեմրութ սար
  • Սբ. Երրորդություն եկեղեցին,Մալաթիա
5-րդ օր

Ուղևորվում եք Էրզրում: Ճանապարհին կայցելեք Խարբերդ և Դերսիմ: Խարբերդում կարեւորվում է բերդը, հայկական թաղամասը եւ սբ. Մարիամ եկեղեցին, որին վերագրվում է բուժիչ հատկություն:
Այցելություն Երզնկայի ջրվեժ
Ժամամանում եք Էրզրում, տեղավորվում հյուրանոցում: Էրզրումը Արեւմտյան Հայաստանի հայաշատ քաղաքներից է եղել, որտեղից մի խումբ հայեր սբ. Կարապետի գլխավորությամբ եկել եւ բնակություն են հաստատել Ջավախքում: Այստեղ կտեսնեք Էրզրումի բերդը, հայկական եկեղեցին, Սանասարյան վարժարան:
Գիշերակաց Փոլաթ Էրզրում 5* հյուրանոցում:

  • Խարբերդ
  • Խարբերդ
  • Խարբերդ
  • Երզնկայի ջրվեժ
  • Երզնկայի ջրվեժ
6-րդ օր

Ուղևորություն  Տրապիզոն: Ճանապարհին կանգ եք առնում Մաճկայում: Կայցելեք հունահռոմեական Սումելիայի վանական համալիր, որը կառուցվել է 13-րդ դարում ժայռի վրա: Մենաստանն ունի 72 խուց: Ուղևորություն Բայբուրդ, որը մ.թ.ա III դարում եղել է նշանավոր բերդաքաղաք: Այստեղ կայցելեք Բայբուրդի բերդ: Ժամամանում եք Տրապիզոն, որտեղ կայցելեք Սբ. Սոֆիա եկեղեցին, Տրապզոնի ամրոցը և թանգարանը: Ուղևորություն Հոպա (Համշեն): Պտույտ Հոպայում: Ուղևորվում եք Արդվին, որտեղ կայցելեք հայկական Սբ. Աստվածածին եկեղեցին և Արդվինի բերդը:
Գիշերակաց Գրանդ Արտվին հյուրանոցում 5*:

  • Տրապզոնի բերդ
  • Տրապզոնի բերդ
  • Սբ. Սոֆիա
  • հայկական եկեղեցի Արդվինում
  • Արդվինի բերդ
7-րդ օր

Ուղևորություն պատմական Հայաստանի Տայք նահանգով, որտեղ դուք կտեսնեք Թորթոմի լիճը, որի մեջ թափվում է Թորթում գետը, այնուհետև լճից դուրս գալով, դառնում է մի հիասքանչ ջրվեժ, որը ունի 48մ բարձրություն և համարվում է բնության կերտած հրաշալիք: Այցելություն Օշկվանք: Հիմնական եկեղեցին կառուցվել է 963-973 թթ և նվիրված է Սբ. Հովհաննես Մկրտիչին: Ուղևորություն թուրք-վրացական սահման, սահմանի անցում:

Ժամանում Երևան

  • Թորթում լիճ
  • Թորթում լիճ
  • Թորթումի ջրվեժ
  • Օշկվանք
  • Օշկվանք

Լրացուցիչ տեղեկատվություն

Կարծիքներ

Իվետա Բաբայան

Առաջին ուղևորությունը 7-օրյա էր` դեպի Արևմտյան Հայաստան, իսկ 2-րդը Արևմտյան Հայաստան և Կիլիկիա: 2-րդ ուղևորության ժամանակ մեզ բախտ վիճակվեց, ամուսնության 41-րդ տարում, պսակադրվել Ախթամար կղզու Սուրբ Խաչ եկեղեցում: Դժվար է նկարագրել այն ապրումները, որ ունեցա ես այս արարողության ընթացքում, բայց դրանից ավելի հուզիչ ու ցնցող էր այն պահը, որ պ. Առուշանյանի շնորհիվ, ես հայտնվեցի Բասեն գավառաի Պատիճվան գյուղում, որտեղից 1828թ. Իմ նախնիները գաղթել են:

Իվետա Բաբայան Ինժեներ
Սյուզի Պետրոսյան

Ուղևորությունից ստացած տպավորություններս անչափ հաճելի են ու ուրախալի: Ես շատ հպարտ եմ այժմ, որ գնացել և տեսել եմ իր հայրենիքը: Շատ շնորհակալ եմ “Անիտուրի” տնօրինությունից նման հաճելի պահեր պարգևելու համար:

Սյուզի Պետրոսյան Լոգոպեդ

Կայացած շրջագայությունները

Մենք շնորհակալ կլինենք, եթե դուք կիսվեք այս հոդվածով:
Կիսվել Թվիթթերում Կիսվել Ֆեյսբուքում Կիսվել Վկոնտակտե
Նորությունները Ձեր փոստին:
Անիտուրը հրավիրում է:
Միացեք մեզ Թվիթթերում Միացեք մեզ Ֆեյսբուքում Միացեք մեզ Վկոնտակտե Միացեք մեզ Յութուբում Ֆլիկր Բլոգ Rss


Tour to Western Armenia
Tour to Western Armenia
Tour to Western Armenia
Կայքը պատրաստել է՝ www.galsit.com
Վերեւ